Yüz qadından soruşduq, saatlarla dərdlərini danışdılar. Nəhayət, ən çox verilən 7 cavabı topladıq.

1. Ana bax, əllərimi buraxa bilirəm. Velosiped sürməyə başlayanda əlləri buraxmaq istedadı, yataqda dəcəlliyə çevrilir. Hələ bəzən əlini belinə qoyan bəylər var. Etməyin, eləməyin. Hamımız sizin Rocco Siffredi olmadığınızı bilirik və buna görə də sizi günahlandıracaq deyilik. Lakin yataqda əliniz, ayağınız, ağzınız, hətta varsa, quyruğunuz da boş dayanmamalıdır.

2. “Şirin dil ilanı yuvasından çıxardar” deyiblər. Qadınlar yataqda arzulandığını bilmək istəyirlər. Şübhəsiz ki, yorğan altında deyilən müxtəlif təriflər istəyi göstərməyin ən yaxşı yoludur. Yetər ki, “şirinim”, “şəkərim” zad deməyin. Hətta mümkündürsə, çılpaq bir qadına kilonu xatırladacaq heç bir söz deməyin. Partnyoruna yataqda “həyatım, çantanı çıxarmamısan?” deyən kişilərədi sözüm: tutduğunuz yol, yol deyil, qardaş. Hələ şeir demək niyyəti ilə, vətən, bayraq mövzusunda bir əsər seçən qardaş, sənin bu yazını oxumadığına əminəm.

3. Tələsən təndirə düşər. Yəqin ki, başa düşdünüz söhbət nədən gedir. Əzizlərim, sinxronluq məhəbbətdə ən vacib olan xüsusiyyətlərdən biridir. Təsəvvür edin ki, çarpayı bir hovuzdur və siz su baleti oynayan bir cütlüksünüz. Xanımınız hələ suya girməmiş sizin səkkiz dəfə o baş, bu başa fırlanıb, suyun dibindən saç rezini çıxartmağınızın nə faydası var, deyilmi?

4. Monotonluq... Uzun müddət eyni şəxslə münasibətlər monotonluğa gətirib çıxara bilər. Bu normaldır. Ancaq tənbəlləşmək olmaz. Sevgilinizin də tənbəlləşməsinə icazə verməyin. Yeni alt paltarları alarsınız, pozaları dəyişərsiniz orası mənlik deyil.

5. Sən soyun, mən köynəklə duracam. Belə şey yoxdur. Ev istidir, yaxud soyuqdur, fəsillərdən qışdır, yaxud yaydır, fərq etməz, qızı soyundurub, özünüzün şəhərdə gəzməyə hazırlaşırmışsınız kimi köynəkdə dayana bilməzsiniz. O corablar çıxacaq!

6. Xəbərsiz gəlmək? Müasir dövrdə çox tez, yaxud çox gec, xəbər vermədən heç hara getmək olmaz. Getdiyiniz yerdə sizdən soruşa bilərlər ki, niyə gəlmisiniz? Eyni şey yataq üçün də keçərlidir. Tez gəlməyiniz təmin olunmamış, gec gəlməyiniz isə əsəbiləşmiş bir partnyor buraxa bilər arxada. Nə vaxt və hansı istiqamətə doğru gələcəyinizi sadə bir cümləylə anlatmağınız, xüsusi əhəmiyyət kəsb etməkdədir.

7. Porno tərzini mənimsəmək. Bir kişiyə yeniyetməlik çağından öyrədiləsi şeylərdən biri odur ki, pornolar real deyil, sadəcə kinodur. Yəni ordakı hərəkətləri yataqda təkrarlamağa cəhd etməyin.

“GQ” jurnalı

• "İl boyu ölənə qədər işlədikdən sonra..." - Mənasız həyəcan və təşviş düşüncəyə necə təsir edir?
• Xərçəng preparatları uzaq keçmişin acı xatirəsi... - Günel Mehrinin şeirləri
• Adil Qeybulla: "Bizim xanımların bədəni fiziki cəhətdən formasını tez itirir..." - Müsahibə