Karib dənizi ədəbiyyatının tanınmış nümayəndələrindən biri yaradıcılığına görə xüsusi mükafata layiq görülüb.
Kulis.az xəbər verir ki, şair Qreys Nikols 2026-cı ilin "Royal Society of Literature Pioneer Prize" mükafatının qalibi olub.
10 min funt sterlinq dəyərində olan mükafat ədəbi fəaliyyətində mühüm iz qoymuş, xüsusilə qadın yazarların ədəbiyyat tarixindəki xidmətlərini tanıtmağa yönəlmiş təşəbbüsün bir hissəsidir.
76 yaşlı Nikols Qayanada doğulub, 1977-ci ildə Böyük Britaniyaya köçüb. Onun 1983-cü ildə "Commonwealth Poetry Prize" qazanan “I Is a Long-Memoried Woman” kitabı şairin beynəlxalq miqyasda tanınmasında mühüm rol oynayıb. “The Fat Black Woman’s Poems” isə müəllifin ən məşhur əsərlərindən biridir.
Nikolsun poeziyasında Karib dənizinin folkloru, Qayana mədəniyyəti, müstəmləkəçilik tarixi, köç və qadın təcrübəsi mühüm yer tutur. Şairin özünəməxsus dili və kreol ənənələri ilə standart ingilis dilini birləşdirməsi onun yaradıcılığını fərqləndirən əsas xüsusiyyətlərdəndir.
Onun yeni şeir toplusu “The Tracks of My Name” noyabrın 19-da işıq üzü görəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər