Dünya animasiyasının ən nüfuzlu studiyalarından biri rəhbərlik dəyişikliyinə hazırlaşır.
Kulis.az xəbər verir ki, “Pixar”ın hazırkı prezidenti Jim Morris vəzifəsini Conatan Qarsona təhvil verəcək.
Dəyişiklik 2027-ci il yanvarın 4-dən qüvvəyə minəcək. Morris studiyada 21 il çalışıb, bunun 12 ilini prezident vəzifəsində keçirib. O, bundan sonra fəxri prezident statusunu daşıyacaq və bəzi layihələrdə, o cümlədən “Incredibles 3” filminin prodüserliyində iştirakını davam etdirəcək.
Qarson 2010-cu ildən “Pixar”da çalışır və son dövrlərdə studiyanın baş meneceri vəzifəsini tutub. Yeni vəzifəsində istehsal və əməliyyat proseslərinə rəhbərlik edəcək. Baş kreativ direktor Pit Dokter isə studiyanın bədii istiqamətinə nəzarəti davam etdirəcək.
Bu dəyişiklik animasiya sənayesində yeni mərhələnin başlanğıcı kimi qiymətləndirilir. Qarşıdakı illərdə “Pixar”ın həm sevilən franşizalarına, həm də orijinal layihələrinə necə yanaşacağı maraq doğurur.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər