Yəqin bir çoxumuz olduqca məşğul insanlarıq. Boş vaxtımızı isə daha çox televizor və ya kompüter arxasında keçirə bilirik. Bəs mütaliə necə, buna vaxt ayıra bilirikmi? Ümumiyyətlə mütaliənin faydası nədir? Kulis.Az oxumağın faydaları haqqında faktları təqdim edir.

Düşünmə qabiliyyəti

Mütaliənin ən vacib amillərdən biri, onun düşünmə qabiliyyətinə təsiridir. Mütaliə zamanı insanın düşüncəsi çox yaxşı inkişaf edir, xüsusilə əgər siz hər gün oxuyursunuzsa. Mütaliə niyə düşünmə qabiliyyətini inkişaf etdirir? Yəqin, ona görə ki, mütaliə vaxtı biz əsasən əsərin ideyasını anlamağa çalışaraq həddindən artıq düşünürük.

Stress

Mütaliə şübhəsiz ki, adamı stressdən azad edir. Bu müasir dünyada xüsusilə əhəmiyyətlidir. Çünki insanların bir çoxu stressdən əziyyət çəkir. "Fantastika" janrı yuxudan əvvəl sakitləşməyə xüsusilə kömək edir.

Söz ehtiyatı

Kitab oxumaq insanın söz ehtiyatının inkişaf etdirir, artırır. Xüsusilə əgər siz müxtəlif janrlarda kitablar oxuyursunuzsa bu daha sürətlə baş verir. Axı kitablarda rast gəldiyimiz sözlərə, söz birləşmələrinə gündəlik həyatımızda rast gəlmirik.

Beyni müdafiə edir

Mütaliə bizim beynimizi müdafiə edir. Onu müxtəlif xəstəliklərdən qoruyur. Çünki oxuma zamanı onun fəallığı daha da yüksəlir, bu da onun vəziyyətinə çox yaxşı təsir edir.

Əminlik

Kitab oxumaq adamı özünə əmin edir. Söhbət zamanı kitab oxumuş adam öz biliklərini nümayiş etdirməyə çalışır, bu zaman onun özünə əminliyi daha da artır. Bu ətraf mühitin də səni tanımasına, hörmət etməsinə şərait yaradır ki, adamın özünə münasibətinə kəskin təsir edir.

Yaradıcılıq

Kitab oxumağın daha bir faydası yaradıcılıq qabiliyyətini artırmasıdır. Yaradıcı insanlar bu qədər çox ideyanı hardan əldə edirlər? Əlbəttə kitablardan. Kitabı oxuyaraq siz bir çox faydalı məlumatı mənimsəyə, daha sonra onu yeri gəldikcə tətbiq edə bilərsiz.

Yuxunun yaxşılaşması

Əgər siz hər gün yatmamışdan əvvəl kitab oxusanız, onda sizin beyniniz və orqanizminiz buna öyrəşəcək. Bundan sonra mütaliə yuxudan əvvəl onlar üçün siqnal olacaq ki, yatmaq vaxtıdır. Beləliklə siz daha yaxşı yatacaq və səhərlər özünü gümrah hiss edəcəksiniz.

Yaddaş, məntiq

Kitablar yalnız düşünmə qabiliyyətini deyil, yaddaş və məntiqi də inkişaf etdirir. Mütaliə zamanı biz çox maraqlı məlumatı yadda saxlayırıq. Bundan başqa kitabın növbəti səhifələrimizi beynimizdə analiz edirik.

• “İqlimlər və ilmələr” beynəlxalq sərgisi açılıb
• "Fəzlüllah ölməyib, İsa kimi qeybə çəkilib..." - Rəhim Əliyev
• Qazax Dövlət Dram Teatrı festivalda mükafata layiq görüldü