Çində Orxan Pamukun yarım milyon kitabı satılıb

Sənət

Ana səhifə
Sənət

Çində Orxan Pamukun yarım milyon kitabı satılıb

14 sentyabr 2012

13:54

Nobel mükafatlı türk romançısı Orxan Pamuk Çində ən populyar yazarlardandır. Əhalisi 1 milyard 300 milyon nəfərdən çox olan ölkədə onun indiyəcən yarım milyon nüsxə kitabı satılıb.

Xüsusən çinli oxucular onun orta əsr Şərqindən bəhs edən "Mənim adım qırmızı" romanını sevirlər. Pamukun sonuncu romanı olan "Məsumiyyət muzeyi" də Çində ən çox oxunan 10 kitab siyahısına düşüb.

Qəzet yazıçının Çinin "Xinhua" agentliyinə verdiyi eksklüziv müsahibədən sitatlar verib. 2012-2013-cü illər Türkiyə və Çinin bir-birilərinə öz mədəniyyətlərini qarışılıqlı şəkildə təqdim etmək illəri elan edilib.

"Türkiyə və Çin modernləşmənin eyni yolu ilə gedirlər. Hər ikisi müasirləşmək istəyir, amma öz möhtəşəm ənələrini qoruyub saxlamaq şərtilə. Həm Çin, həm də Türkiyə mədəniyyəti qeyri-Qərb mədəniyyətidir. Bizim ənənələrimiz Qərb mədəniyyəti ilə üz-üzə gələndə ziddiyyət və travmalar yaşanır. Müasirlik və ənənələr arasındakı bu ziddiyyət mənim yazılarımın əsas mövzusudur" - deyə Pamuk agentliyə bildirib.

Gələn il Çində Türkiyə ili keçiriləcək. Bu yaxınlarda Pamuka Çinin ən nüfuzlu ədəbi qurumlarından biri - Nanfang Daily Media Group tərəfindən "Ən nüfuzlu beynəlxalq yazar" mükafatı verilib.

Pamuk Türkiyədə mədəniyyətlərin qarşılıqlı tanıdılması zamanı ilk növbədə adi insanların gündəlik yaşayışının, düşüncələrinin qabardılmasını vacib sayıb. Yazmaqda olduğu "Kafamda bir tuhaflık" adlanan yeni romanı (Roman işini itirən boza satıcısının hekayətini anladır. O, yaşadığı Konyanı tərk edib İstanbula üz tutur) haqda danışan yazıçı deyib: "Düşünürəm ki, çinli oxucular bu romanı sevəcək. Çünki çoxlu sayda insan iş tapmaq üçün Çinin qərbindən böyük şəhərlərə axışır. Türkiyədə də axır 40 ildə əhali bu cür miqrasiya edib".

Həm Türkiyədə, həm də Çində bir iqtisadi bum yaşandığını xatırladan Pamuk bunun nəticəsində yeni orta təbəqənin yaranacağını, onların isə yeni bir mədəniyyət formalaşdıracağını qeyd edib: "O mədəniyyət nə bizim qədim ənənələri imitasiya edəcək, nə də qlobal mədəniyyəti. Bu, qədim və qlobal mədəniyyətlərin ən yaxşı cəhətlərinin sintezi olmalıdır".

Oxuzalı.az

2251 dəfə oxunub

Paylaş

Oxşar xəbərlər

50 mindən çox əsər yaratdı, kommunistlərə qoşuldu, şeir yazdı... - XX əsrin dahi rəssamı haqqında maraqlı faktlar

16:00 8 aprel 2026

Uşaqlıqda cinsi zorakılıqla üzləşdi, əsərləri qadağan edildi... - Prezidentin andiçmə mərasimində şeir oxuyan ilk afroamerikalı qadın yazıçı

15:00 5 aprel 2026

"Sən demə, ata öz arvadı ilə yenidən nikah bağlamaq üçün..." - Professor "Lal ev"dən yazdı

12:00 5 aprel 2026

Sənət