“Xocalı ayı”: Xocalı... - Seyid Aynur

“Xocalı ayı”:  Xocalı...   - Seyid Aynur
15 fevral 2022
# 09:40

Xəbər verdiyimiz kimi, Kulis.az “Xocalı ayı” elan edib. Fevral ayı boyunca saytımıza göndərilən Xocalı haqda şeir, hekayə və esseləri çap edəcəyik.

Kulis.az “Xocalı ayı” çərçivəsində Seyid Aynurun “Xocalı” şeirini

təqdim edir.

Cavan, qoca, körpə:

kim vardısa,

hamısını “uddu” Xocalı.

Birdən silah səsləri gəldi:

hər kəs adətdəndəndir deyib,

bəyi gözlədi

qara gəldi mamaqızı Sədiqənin toyu.

Göydən yağış kimi yağdı mərmilər,

əmioğlu Azadın qollarını qoparıb

yüyrük tək ağacın budağına asdı

mən isə xatirələri

toz olmasın deyə

ovuclarıma yığdım

və üşüdüm zirvəyə sancılmış bayraq kimi.

Gecdir daha -

ümidin gözlərini sığadım,

külək əsdikcə

qəfil burnuma

hardansa qaraağac qoxusu gəldi.

Ağac –ağac hıçqırdı,

ləpələndi yaşıl gözləri Badaranın,

ağı deyib özünü

oyan-buyana çırpdı

suya düşən ağ yelkənə bənzədi

cansız körpə bədənləri.

Qız gəlinin naləsi

kəndi bürüdü,

Həlimə arvad qışqırdı möhkəm:

“Ayılın ay camaat,

qırıldı Xocalılar”.

# 1938 dəfə oxunub

Oxşar xəbərlər

O  uşaq bilirmi ki, biz heç vaxt bir-birimizi sevməmişik?.. - Pablo Neruda

O uşaq bilirmi ki, biz heç vaxt bir-birimizi sevməmişik?.. - Pablo Neruda

16:04 12 iyul 2024
Dörd tərəfdən türk rüzgarı əsir - Fərid Mahmudoğlu

Dörd tərəfdən türk rüzgarı əsir - Fərid Mahmudoğlu

15:12 12 iyul 2024
Şəhriyar Del Geraninin imza günü keçiriləcək

Şəhriyar Del Geraninin imza günü keçiriləcək

14:29 12 iyul 2024
Yaz gəlmiş; hər tərəfdə çəmən qızları... - Mirzə Fətəli Axundzadə

Yaz gəlmiş; hər tərəfdə çəmən qızları... - Mirzə Fətəli Axundzadə

12:56 12 iyul 2024
Yad et məni, aşiqanə yad et! - Günün şeiri

Yad et məni, aşiqanə yad et! - Günün şeiri

17:13 11 iyul 2024
Bu gün xalq şairi Nigar Rəfibəylinin anım günüdür

Bu gün xalq şairi Nigar Rəfibəylinin anım günüdür

17:33 9 iyul 2024
# # #