“Weapons” filmi qorxu janrında ilin hadisəsinə çevrilir

9 avqust 2025

11:30

Tanınmış rejissor Zak Kreggerin 2025-ci ildə nümayiş olunan "Weapons" filmi qorxu janrında böyük maraq doğurub.

Kulis.az xəbər verir ki, filmdə Maybrook adlı qəsəbədə 17 uşaq gecə saat 02:17-də yataqlarından çıxaraq izsiz şəkildə yoxa çıxır.

Hadisənin ardınca qəsəbədə paranoya və xaos baş qaldırır, şübhələr isə uşaqların müəllimi Castin Qandi üzərində cəmlənir.

Rejissor "Barbarian" filmindən sonra bu dəfə daha çoxlaylı və psixoloji yönümlü bir hekayə təqdim edir.

Hər bölüm fərqli personajın baxış bucağından nəql olunur və bu struktur gərginliyi addım-addım artırır.

"Weapons" həm narrativ quruluşu, həm də atmosferi ilə Twin Peaks və Prisoners kimi filmləri xatırladır.

Qeyd edək ki, film tənqidçilər tərəfindən artıq ilin ən qorxulu və təsirli ekran əsərlərindən biri kimi qiymətləndirilir.

Zak Kregger Weapons qorxu janrı

Kulis.az

2249 dəfə oxunub

Paylaş