İşğaldan azad edilmiş ərazilərdə yeni milli parkın yaradılması və mövcud xüsusi mühafizə olunan təbiət ərazilərinin fəaliyyətinin bərpası istiqamətində tədbirlər görülür.
Kulis.az APA-nın Qarabağ bürosuna istinadən xəbər verir ki, bunu ekologiya və təbii sərvətlər nazirinin müavini Vüqar Kərimov oktyabrın 30-da Ağdam şəhərində keçirilən Ekoloji məsələlər üzrə İşçi qrupunun iclasında bildirib.
Nazir müavini qeyd edib ki, Bəsitçay Dövlət Təbiət Qoruğunun və Daşaltı Dövlət Təbiət Yasaqlığının fəaliyyəti artıq bərpa edilib. Qaragöl Dövlət Təbiət Qoruğunun, eləcə də Qubadlı, Arazboyu və Laçın dövlət təbiət yasaqlıqlarının fəaliyyətinin bərpası istiqamətində isə işlər davam etdirilir.
Vüqar Kərimovun sözlərinə görə, Prezidentin 2026-cı il 20 oktyabr tarixli Sərəncamı ilə Qarabağ Milli Parkı yaradılıb. Ümumi sahəsi 88 418 hektar olacaq milli park Ağdərə, Xocalı, Kəlbəcər, Şuşa və Laçın rayonlarının ərazilərini əhatə edir. Milli parkın yaradılmasında əsas məqsəd Qarabağın zəngin ekosisteminin və təbii irsinin qorunması, biomüxtəlifliyin bərpası, təbii sərvətlərdən dayanıqlı istifadənin təmin edilməsi və ekoturizmin inkişafıdır.
Nazir müavini əlavə edib ki, Şərqi Zəngəzur iqtisadi rayonunun ərazisində də yeni milli parkın yaradılması ilə bağlı tədqiqatlara başlanılıb. Hazırda ərazinin xəritə-sxem layihəsi hazırlanır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər