Sən gəldin, zülmətdən gün çıxdı birdən - Nəbi Xəzri

Sən gəldin, zülmətdən gün çıxdı birdən - Nəbi Xəzri
4 noyabr 2023
# 11:20

Kulis.az Nəbi Xəzrinin "Söylə, bəs hardaydın?" şeirini təqdim edir.

Sən gəldin,
Zülmətdən gün çıxdı birdən,
Nə qədər ecazkar göründü cahan?
Səni gözləmişdim ömrüm boyu mən,
Söylə, bəs hardaydın sən bu vaxtacan?

Keçib göy dərəni,
yaşıl çəməni,
Elə yaxın gəldin, elə uzaqdan!
Bəlkə min il əvvəl görmüşdüm səni,
Sərin su içəndə sən buz bulaqdan!

Elə bil üzləşdim
ilahi sirlə,
Bu nə möcüzədir, bu nə heyrətdir?!
Məhəbbət ölçülmür illə, əsrlə,
Məhəbbət ölçüsü əbədiyyətdir.

Zöhrə ulduzu tək
yanıb obaşdan,
Üfüqlər aşırdın xəyallarımda.
Sən hələ dünyaya göz açmamışdan,
Küsüb-barışırdın xəyallarımda.

Sən gəldin ömrümün
qarlı qışında,
Ruhumda ehtiras, ürəyimdə qəm.
Cənnət qapısının elçi daşında,
Hazırdım min il də səni gözləyəm.

O nəydi?
Zülmətdən gün çıxdı birdən,
Nə qədər ecazkar göründü cahan!
Səni axtarırdım ömrüm boyu mən,
Söylə bəs hardaydın sən bu vaxtacan?

# 1641 dəfə oxunub

Oxşar xəbərlər

Əməkdar artist:  "150 manatla dolana bilmirəm"

Əməkdar artist: "150 manatla dolana bilmirəm"

11:38 8 aprel 2025
Yaqub Zurufçu kimdir?

Yaqub Zurufçu kimdir?

11:26 8 aprel 2025
2000 illik qladiator məzarı tapılıb

2000 illik qladiator məzarı tapılıb

11:00 8 aprel 2025
Robert De Niro “Qızıl Palma budağı” mükafatını qazanıb

Robert De Niro “Qızıl Palma budağı” mükafatını qazanıb

10:30 8 aprel 2025
"Ayıq sürücü"nün aktyorlarına hücum edilib? - DİN-dən açıqlama

"Ayıq sürücü"nün aktyorlarına hücum edilib? - DİN-dən açıqlama

10:15 8 aprel 2025
Serialdan qovulan aktrisanı kim əvəzləyəcək?

Serialdan qovulan aktrisanı kim əvəzləyəcək?

09:59 8 aprel 2025
#
#
# # #