Bu il filologiya elmləri doktoru, professor Mahirə Hüseynovanın 65 illik yubileyi tamam olur.
Kulis.az xəbər verir ki, bu münasibətlə Cəfər Cabbarlı adına Respublika Gənclər Kitabxanasında Mahirə Hüseynovanın həyat və yaradıcılığından bəhs edən elektron məlumat bazası hazırlanaraq istifadəçilərə təqdim edilib.
Elektron məlumat bazasında Mahirə xanımın həyat və fəaliyyətinin əsas tarixləri, bir sıra görkəmli şəxslərinin onun haqqında söylədikləri dəyərli fikirlər, rəsmi sənədlərlə yanaşı, “Professor Mahirə Hüseynovanın filologiyamızın inkişafında rolu”, “Çağdaş poeziyamızda zərif meh səsi. Mahirə Nağıqızının bədii yaradıcılığı haqqında düşüncələr”, “Poeziya zəfərin təntənəsi kimi” məqalələrin tam mətni yer alır.
Elektron bazada Mahirə Hüseynovanın yaradıcılıq nümunələrinin, redaktə və tərtib etdiyi, “Ön söz” yazdığı, layihə rəhbəri olduğu nəşrlərin, məqalələrin, eləcə də onun haqqında qələmə alınan kitab və dövri mətbuat nümunələrinin siyahıları təqdim edilir.
Kitabxana əməkdaşları tərəfindən hazırlanan bazada “Dissertasiya və avtoreferatlar”, “Virtual sərgi”, “Foto və videoqalereya” bölmələri də istifadəçilərə təqdim olunur.
Hazırlanan elektron məlumat bazası kitabxananın rəsmi saytında https://ryl.az/melumat-bazalari/Professor_Mahire_Huseynova_el_melumat_bazasi/index.html yerləşdirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər