Tanınmış Azərbaycan yazıçısı Etimad Başkeçid mükafata layiq görüldü

Kulis.az xəbər verir ki, bədii tərcümə sənətinin dəyərləndirilməsi və stimullaşdırılması məqsədilə təsis edilmiş Dövlət Tərcümə (Mərkəzi) Mükafatı-na bu il – dahi Azərbaycan şairi və mütəfəkkiri Nizami Gəncəvinin 880 illiyinə töhfə olaraq, ədibin “Xosrov və Şirin” poemasının təkmil və müfəssəl filoloji tərcüməsinə görə tanınmış Azərbaycan yazıçısı və tərcüməçisi Etimad Başkeçid layiq görülüb.

Yazıçı, tərcüməçi “Min yol mənə söylər…” romanının, “Dövri-aləm və bir gün”, “Veyil dərəsi”, “Velosiped”, “Tüklücə”, “Günəş topla mənim üçün” hekayələrinin müəllifidir.

O, Nikolay Qoqol, Fyodor Dostoyevski, Stiven Kinq, Alberto Moravia, Anton Çexov kimi dünya ədəbiyyatı korifeylərinin, Viktor Jirmunskinin “Xalq qəhrəmanlıq eposu” əsərinin, qədim yəhudi dini abidəsi “Tövrat”ın, Nizami Gəncəvinin “Xosrov və Şirin” poemasının ilk mükəmməl tərcümə müəllifidir.

• “Maqbet”in teatr taleyi - Türkan Cəfərli
• Düşənbədə Azərbaycan Mədəniyyəti Günləri keçiriləcək
• Azərbaycan "MONOFEST"-də təmsil olunacaq

Etimad Başkeçidin “Panoptikum” və “Min yol mənə söylər…” kitabları 2006-2012-ci illərdə nəşr olunub.

• “Maqbet”in teatr taleyi - Türkan Cəfərli
• Düşənbədə Azərbaycan Mədəniyyəti Günləri keçiriləcək
• Azərbaycan "MONOFEST"-də təmsil olunacaq