9-cu Bakı Beynəlxalq Kitab Sərgisi keçiriləcək

9-cu Bakı Beynəlxalq Kitab Sərgisi  keçiriləcək
1 noyabr 2023
# 17:10

Azərbaycan Respublikası Mədəniyyət Nazirliyinin təşkilatçılığı ilə 11-15 noyabr 2023-cü il tarixində Bakı Ekspo Mərkəzində Ümummilli Lider Heydər Əliyevin 100 illik yubileyinə həsr olunan 9-cu Bakı Beynəlxalq Kitab Sərgisi (Baku International Book Fair 2023) keçiriləcək.

Kulis.az xəbər verir ki, Mədəniyyət Nazirliyindən verilən məlumata görə, sərgidə iştirak üçün 11 ölkədən 30-dan çox xarici təşkilat, 109 yerli nəşriyyat-poliqrafiya və kitab sənəti ilə əlaqəli müəssisə qeydiyyatdan keçib.

Sərginin Təşkilat Komitəsində 30-dan çox xarici və yerli təşkilatın iştirak müraciəti nəzərdən keçirilir.

Sərgidə Azərbaycanın xalq yazıçıları və şairləri, tanınmış gənc yazarlar və məşhur xarici yazıçılar və aktyorlar iştirak edəcəklər.

Sərgi çərçivəsində uşaqlar və böyüklər üçün master klaslar, inklüzivlik və digər aktual mövzular üzrə kitab təqdimatları, imza günləri, konfranslar, simpoziumlar, qiraət və musiqi saatları və kitab sənayesi sektorunun subyektləri arasında əməkdaşlıq platformaları təşkil ediləcək.

Sərgi müddətində müxtəlif formatda 220-dən çox tədbirin təşkili nəzərdə tutulur.

Sərginin fəxri qonaq ölkəsi Rusiya Federasiyasıdır. Fəxri qonaq ölkənin kitab sənətinin və ədəbi-mədəni irsinin nümayişi məqsədilə Rusiya Federasiyası tərəfindən sərgi salonunda və bir sıra mədəniyyət müəssisələrimizdə müxtəlif formatda silsilə tədbirlər keçiriləcək. Eyni zamanda Rusiyanın tanınmış yazarları, tarixçiləri və elm adamları sərgidə iştirak edəcəklər.

Eyni zamanda Türkiyə Respublikası görkəmli yazarları, elm adamları, tanınmış aktyorları və xüsusi tədbirlər proqramı ilə sərgidə təmsil olunacaq.

Ziyarətçilərin “Elmlər akademiyası”, “28 may” və “Koroğlu” metrostansiyalarından Bakı Ekspo Mərkəzinə xüsusi avtobuslar vasitəsilə ödənişsiz gediş-gəlişi təmin ediləcək.

Sərginin iş vaxtı: 10:00-dan 20:00-dəkdir.

Sərgiyə giriş ödənişsizdir.

# 1532 dəfə oxunub

Oxşar xəbərlər

Musiqiçilərimiz Füceyrə Beynəlxalq Ud Forumunda

Musiqiçilərimiz Füceyrə Beynəlxalq Ud Forumunda

16:00 9 may 2025
Sabir Rüstəmxanlı Oljas Süleymenovla görüşüb

Sabir Rüstəmxanlı Oljas Süleymenovla görüşüb

15:00 9 may 2025
“Cəfər Xəndan-115” adlı kitab sərgisi açılıb

“Cəfər Xəndan-115” adlı kitab sərgisi açılıb

14:10 9 may 2025
Azərbaycan Kann Lions münsiflər heyətində

Azərbaycan Kann Lions münsiflər heyətində

12:50 9 may 2025
“Fransa kinosu günləri”nin son nümayişi keçirilib

“Fransa kinosu günləri”nin son nümayişi keçirilib

12:10 9 may 2025
"Azərbaycan" jurnalının kollektivi oxucularla görüşüb

"Azərbaycan" jurnalının kollektivi oxucularla görüşüb

11:30 9 may 2025
# # #