Bu gün uelsli şair Dilan Tomasın doğum günüdür.
Kulis.az onun "Xüsusilə oktyabr küləyi əsəndə" şeirini təqdim edir.
Xüsusilə oktyabr küləyi
Şaxtalı barmaqları ilə saçlarımı cəzalandıranda,
Xərçəng yerişli günəşə tutunub od üstündə yeriyirəm
Və torpağın üzərinə xərçəng kölgəsi salıram...
Dəniz kənarında quşların səs-küyünü,
Qışın quru budaqları arasında qarğanın öskürdüyünü eşidərək,
Danışdıqca titrəyən təlaşlı ürəyim
Heca-heca qan axıdır və sözlərini tükədir...
Sözlərdən ibarət bir qülləyə qapanmış halda,
Üfüqdə ağaclar tək yeriyən
Seyr edirəm qadınların sözdən biçilmiş surətlərini,
Parkdakı ulduz kimi əl-qol oynadan uşaq cərgələrini...
İcazə ver, bəzilərini sənə sait səsli fıstıq ağaclarından yaradım,
Bəzilərini palıd səslərindən; köklərindən,
Neçə-neçə tikanlı qraflığın nəğmələrini oxuyum sənə...
İcazə ver, bəzilərini sənə suyun nitqlərindən yaradım...
Bir qıjı dibçəyinin arxasında yellənən saat
Mənə zamanın sözünü deyir...
İcazə ver, sənə qarğanın günahlarından danışım...
Xüsusilə oktyabr küləyi,
İcazə ver, bəzilərindən sənə payız ovsunları yaradım,
Hörümçək dillilərdən və Uelsin gurultulu təpəsindən...
Turp yumruqları ilə torpağı cəzalandıranda,
İcazə ver, bəzilərini sənə amansız sözlərdən yaradım...
Kimyəvi qanın tələsik axarında hərfləyərək
Gələn qəzəbdən xəbərdar edən ürək tamamilə boşaldı
Dəniz sahilində qulaq as qaranlıq saitli quşlara...
Türk dilindən sətri tərcümə etdi: Aydan Ağayeva
Ana səhifə
Reels
Yazarlar
Xəbərlər