Türkiyənin mədəniyyət və turizm naziri Mehmet Nuri Ərsoy Adıyamanda həyata keçirilən layihələrlə tanış olub.
Kulis.az xəbər verir ki, nazir Kommaqena krallığının mühüm mərkəzlərindən biri olan Perre antik şəhərindəki arxeoloji qazıntı və bərpa işlərinə baş çəkib.
"Gələcəyə miras" layihəsi çərçivəsində Perre antik şəhərindəki işlərə 2025-ci ildə 5,8 milyon türk lirəsi vəsait ayrıldığı və ziyarətçilər üçün infrastruktura dair yeni addımların atıldığı bildirilib.
Səfər çərçivəsində həmçinin 6 fevral zəlzələsində zərər görmüş üç tarixi abidənin — Mərkəz Musalla məscidi, Bəsni Qurşunlu məscidi və Əbuzər Qəffari məscidi ilə türbəsinin bərpadan sonra açılış mərasimi baş tutub.
İstehkam, minarə və günbəzləri yenidən qurulan bu tarixi tikililər həyata keçirilən əsaslı təmirdən sonra yenidən istifadəyə verilib.
Zəlzələdə zərər görmüş tarixi abidələr bərpa edildi
4 sentyabr 2026
11:05
