Corc Mayklın musiqi tarixində xüsusi yeri olan şəxsi əşyaları hərraca çıxarılarkən ailə daxilində mübahisəyə səbəb olub.
Kulis.az xəbər verir ki, müğənninin “Faith” dövründə istifadə etdiyi məşhur "Gretsch Synchromatic" gitarası da daxil olmaqla, 32 əşyadan ibarət kolleksiya oktyabrın 29-da hərraca təqdim edilib.
Satışa qızıl və platin plastinkalar, konsert proqramları, məktublar və digər şəxsi əşyalar da daxil edilib.
Kolleksiya vaxtilə Mayklın uzun müddət şəxsi köməkçisi olmuş Siobhan Beyliyə məxsus olub. Beylinin 2014-cü ildə vəsiyyətnamə qoymadan vəfat etməsindən sonra əşyalar onun həyat yoldaşı İan Belçerin ixtiyarına keçib. Lakin mərhumun qardaşı kolleksiyanın əslində bacısının qardaşı uşaqlarına çatmasını istədiyini iddia edir.
Bu səbəbdən satış təkcə musiqi həvəskarlarının deyil, ailə və miras hüququ mövzularının da diqqət mərkəzinə düşüb. Kolleksiyanın ümumi dəyərinin 200 min funt sterlinqi keçəcəyi gözlənilirdi.
Ana səhifə
Reels
Yazarlar
Xəbərlər