Beynəlxalq Muğam Mərkəzində aşıq musiqisindən ibarət konsert proqramı təqdim olunub.
Kulis.az xəbər verir ki, COP29-a həsr olunmuş konsertlər çərçivəsində təşkil edilən gecədə Azərbaycan Milli Konservatoriyasının dosenti, sənətşünaslıq üzrə fəlsəfə doktoru Mübariz Əliyev aşıq sənətinin inkişafı və müasir günümüzdə tədrisi ilə bağlı düşüncələrini bölüşüb.
Çıxışdan sonra Mübariz Əliyev və tələbələrinin ifasında konsert təqdim olunub. Proqramda görkəmli bəstəkar Süleyman Ələsgərovun “Aşıqvari” əsəri, “Hicran kərəmisi”, “Koroğlu” kompozisiyası, “Badamı şikəstəsi”, “Baş müxəmməs” kimi sevilən aşıq musiqisi nümunələri səsləndirilib.
