Payızın yeni kriminal seriallarından “Nocturne” oktyabrın 30-da "Apple TV" platformasında yayıma başlayacaq.
Kulis.az xəbər verir ki, on seriyadan ibarət layihədə Liv Şrayber keçmiş əsgər və qətl işlərini araşdıran detektiv obrazını canlandırır.
O, Filadelfiyadan Pensilvaniyanın kiçik şəhərlərindən birinə köçür, lakin burada baş verən cinayətlər onun həyatını dəyişir.
Serialda Stiven Qremin canlandırdığı qatil qəhrəmanın yaşadığı icmanı və ailəsini hədəf almağa başlayır. Zazi Bits isə hadisələri araşdıran Federal Təhqiqatlar Bürosunun əməkdaşını oynayır. Bu personajların qarşıdurması hekayənin əsas dramatik xəttini təşkil edir.
“Nocturne” isveçli yazıçı Lars Keplerin “Lazarus” və “The Sandman” romanlarından uyğunlaşdırılıb. Əsərlərin kriminal gərginliyi və psixoloji təzyiq üzərində qurulan süjetləri televiziya formatına köçürülür. Serialın ilk iki epizodunun eyni gündə yayımlanması, sonrakı hissələrin isə davamlı təqdim edilməsi planlaşdırılır.
Kriminal triller janrında yeni layihələrin çoxaldığı bir vaxtda “Nocturne”ün diqqətçəkən tərəfi tanınmış aktyor heyəti ilə yanaşı, kiçik şəhərdə baş verən cinayətlərin ailə və icma həyatına təsirini araşdırmasıdır. Serialın tamaşaçıları necə cəlb edəcəyi yaxın günlərdə bəlli olacaq.
Ana səhifə
Reels
Yazarlar
Xəbərlər