Mayın 15-dən 18-dək ADO Theatre – Collective rəssam Vüsal Rahimin “My name is Sarah…” adlı yeni fərdi sərgisini keçirəcək.
Kulis.az fraqment.aza istinadən xəbər verir ki, “My name is Sarah…” rəssam tərəfindən danışılan bir insanın həyat hekayəsidir. “Sarah” şərti ad, ümumiləşdirilmiş obrazdır ki, onun vasitəsi ilə hər bir insan öz həyat hekayəsini danışa bilər.
Yaradıcılığının ilk dövrlərindən başlayaraq “Qadın” mövzusu Vüsalın əsərlərinin əsas mövzularından biridir. Rəngkarlıq və qrafika əsərlərində araşdırılan qadının daxili mənəvi və psixoloji, o cümlədən, məişət problemləri öz əksini tapır.
Bu mövzu üzərində bir neçə il ərzində işləyərək rəssamın cari mövzuya olan bədii yanaşması forma baxımından kəskin surətdə dəyişilib.
Vüsal Rəhim təsviri sənət üzrə təhsilini Azərbaycan Dövlət Rəssamlıq Akademiyasında alıb. Əsərləri Azərbaycanda və xarici ölkələrdə sərgilənir.
“Black woman” adlı ilk fərdi sərgisi 2013-cü ildə Bakıda Yay Qalereyasında keçirilib.
