Şəhərin kinoteatrlarına sevdiyiniz film gəlib. Sevinə-sevinə bilet alıb filmə baxmağa gedirsiz. Lakin müxtəlif səbəblərdən gözlədiyiniz təəssüratı yaşaya bilmirsiz. Bu səbəblər hansılardır? Kulis.Az kinoteatrdan soyudan 15 səbəbi təqdim edir.

Dayanmadan film haqqında sula verən zəvzək tiplər.

Hər səhnədə bir nöqsan tapan, qulpqoyanlar.

Kinoteatrdan yataq otağı kimi istifadə edən tiplər.

“Mən sənə bunu demişdim, bax bunu da bildim, özüm ölüm, elə bil filmi mən çəkmişəm” deyən tiplər.

Kinoteatrda o qədər boş yerləri qoyub gəlib sizin yanınızda oturan tiplər.

İlk dəfə 3D-yə baxan tiplər: “Vay dədə, elə bil həqiqidi, qaç-qaç, indi üstünə gələcək.”

Yeri gəldi-gəlmədi hər səhnəyə qəhqəhə çəkib gülən tiplər.

Hər səhnəyə həddindən artıq reaksiya verən yeniyetmə tiplər.

Kinoteatra niyə gəldiyi məlum olmayan, elə hey telefonla oynayan, mesajlaşan tiplər.

Dayanmadan nəsə yeyən tiplər.

Hələ bu azmış kimi evindən yeməli şeylər gətirən tiplər.

Kinoteatrı evi zənn edib qorxulu səhnələrdə qışqırıb-bağıran tiplər.

Dayanmadan asqıran, öskürən, burnunu çəkən xəstə tiplər.

Hər səhnəyə ağlayan, həddindən artıq həssas tiplər.

Ağzını marçıldada-marçıldada nəsə yeyən, saqqız çeynəyən tiplər.

• Aygün Kazımova: "Rusiya buna görə məsuliyyət daşıyır"
• Xoşbəxt sevgi yoxdu ki, bu xaraba dünyada... - Günün şeiri
• “Səma xanımı” filmi təqdim olunub