Kulis.Az Rövşənin erotik şeirlərini təqdim edir:

düşmə arxamca

əllərimdən tutma

yaralı quş kimi çırpınma sinəmdə

baxışlarım azdırmasın səni

dediyim sözlərə uyma

üzümdəki

yandırdığım siqaretin işığıdı

nur-filan deyil

ürəyim qadın qəbristanlığıdı.

Ağı, qarası, sarışını

Hər gecə

Qoşun çəkib

Zəbt edirlər ürəyimin hər qarışını

yuxumun şirin

yerlərini didib dağıdırlar

gözləriylə, dişləriylə, dırnaqlarıya

ağıllı ol

yaxın gəlmə mənə
eləcə uzaqdan dur bax

istəyirsən elə burda

qurtaraq...

Gənc zoofillərə nəsihət

Gəncliyinə heyfin gəlsin!

Qıyma itə!

Qoyma itə!

Ayrılıq

Bu nə gündü səndən sora

Bu nə həyatdı

Qulluğumda dursunlar deyə

Səni mənə unutdursunlar deyə

Yanaşdığım xanımlar

Ya qız çıxır

Ya da aybaşı.

Ssenari

Bax burda sən döyməlisən qapımı

Mən ucadan:

-buyurun keçin-deməliyəm

Sən məndən bir çimdik duz istəməlisən

Mən nədənsə sevinə-sevinə deməliyəm ki

Duz yoxdu

Üzbəüz otaqdan televizorun səsi gəlməlidi bu ara

Xəbərləri bəhanə gətirib

Keçməlisən dəhlizdən otağa

Oturmalıykən uzanmalısan divana

Hava haqqında məlumatı dinləyib

Deməlisən ki bu gün hava yaman istidi

Mən də başımla sənin sözünü təsdiqləməliyəm

əl atıb köynəyinin düymələrini açmalısan

məni də çağırmalısan divana

sonra...

sonra qalxıb güzgü qabağında

üst-başını geyməlisən aram-aram

gedərkən təbəssümünü

su kimi atmalısan üstümə

qonşuluqdakı marketə getməlisən duz almağa

dükanda ərinlə qarşılaşmalısan

birgə bazarlıq eləyib

gülə-gülə qalxmalısız pillələri

gecə arxanı ərinə çevirib

özünü yuxuluğa vurub düşünməlisən

evdə duzun olmaması

nə qədər ləzzətli və gözəldir

səhərin qafiyəsi

elə ki gün doğdu

elə ki səhər açıldı

quşlar ötüşdü

itlər hürüşdü

yadıma günahlarım düşdü

üz tutdum günəşə

bir qafiyə qayırdım səhərə

dən atdım quşlara

çıxdım şəhərə...

gün batdı

səhər söndü

quşlar yedilər doydular

uçdular getdilər

mən evimə sağ-salamat döndüm

deyəsən

günahlarım bağışlandı

mırt

baxdım, baxdım bayıldım

nə gözəldi gözlərin

amma qısa geymisən

və görünür hər yerin

diqqətini çəkirsən

harda olsan hamının

otursan əllərinlə

ört üstünü sən barı

yaman dardı paltarın

yançağın gəl-gəl edir

səndən bir az aralı

gəzişir var-gəl edir

qorxuram çatılanda

sapdan nazik qaşların

hara baxır görəsən

qeyrətli qardaşların

yenə də əlli rəngə

boyanıbdı tellərin

bu adəti olmayıb

bizim məğrur ellərin

moda atelyesində

xidmət var insanlara

orda paltar tikirlər

sən kimi nisvanlara

hər nə geysən ətəyi

dizdən aşağı olsun

arzum budu hamının

oğlu-uşağı olsun

iskra

Üst-başınız gözəl xanım

İnqilab içindədi

Baxıram sizə

Inqilabi anlar yaşayan

Şəhərlər kimi

Qaynaşır içim

Tez olun

Bir qərar verin-

Bu üsyanı

Tez-bazar yatırmaq gərək

Fərq

Onun gözləri maviydi-noolsun

Mənim də çiyinlərim enliydi insafın olsun

Onun gözəl kostyumu vardısa

Mənim də xət-xət qalstukum vardı boynumda

Onun ayaqları yekəydisə

Mənim də

Türkün sözü...

Sevgim yekəydi

Dürrü-yetim

əruzxanadır vahid poeziya evi

həftənin bazar günləri

əruza məruzxanadır

hər bazar günü

səhər saat 10-da

dillərində dürlü-dürlü kəlamlar

şeir oxuyur əmimlər və xalamlar

oxuduqları ustadanə

dürrü-yetim

azərbaycan mətbəxinə dair

küftəilün dolmailün aşilün

küftəyiyün müftəyiyün payilün

müftəilün müftəilün payilün

Ağabala Maskovskinin şeiri

torpaqlarımız ermənilərin pəncəsindədi

vətənə döyüşən oğullar lazımdı

gedirəm vətəni qorumağa

bu

bizim bir yerdə ola biləcəyimiz

son gecədi maşacan

odur ki

belini bir qədər aşağı əy

ayaqlarını bir qədər aralı qoy

başınısa dik tut maşacan

tez-tez arxaya baxıb boylanıb

mənim üçün ayrılığı

daha-daha ağırlaşdırma

üzünə baxmadan ayrılmaq istiyirəm səndən

ürəyimdə vətən dərdi el dərdi

Müsəlmanın ölümü

Başın hanı gözün hanı baxışın hanı

Burnun hanı əlin hanı ayağın hanı

Dilin hanı ağzın hanı qolların hanı

Səsin hanı ruhun hanı gülüşün hanı

Saçın hanı çiynin hanı dişlərin hanı

Yanın hanı suyun hanı avtafan hanı

Unut pencəyimi

unut gözlərimi

unut ayaqlarımı

unut nə demişdimsə

sözlərimi unut

meşə ildırım vurmuş ağacı

necə unudursa

sən də eləcə unut əllərimi

dirsəyi süzülmüş pencəyimi unut

sevmə məni

sevmə məni

Yol əhvalatı

Sən avtobusdan düşəndə

bir qədər əyildin, gülüm,

Belinin tüklərini göstərdin mənə

və hamıya.

Düşdün.

Mən səndən bir oturacaq arxada,

Içim Xəzər kimi dalğalandı..

Baş verə biləcək qəzanı

Almadan nəzərə,

Bir anlığa sürücü də bizə qoşulub

Gözlərini yumdu ləzzətlə.

O qızı tapın

Bədəni həmişə qızdırma içində,

Döşləri tennis topu kimi bərk.

Dalı Cenifer Lopesin dalından

Ayaqları dizdən yuxarı bir qədər əyri.

Öpüşdüyü zaman qəribə səslər çıxardır

İt balası boşqabdan isti süd içir sanki.

Gecə düşən kimi baxışlarından

Səhmanı pozulmuş yataq iyi gəlir.

Qaşları 40 nömrə sarı sap

Balaca qulaqları, qəşəng çənəsi var.

İşvəsinə, ədasın, nazına söz yox,

Yeriyəndə tərpənir sinəsi amansızcasına.

Bilmirəm bu qızda nə adətdi-öldürsəndə

Yay girdimi, alt paltarı geyinməz.

Anna Andryevna,

Anatoliya İvanovna,

Marina Petrovna,

Sizi and verirəm-

İndiyə qədər biz qafqazlılardan aldığınız

Qızılgül dəstələrinə, şokolad qutularına,

Şampan şüşələrinə,

O qızı tapın.

• Xəyanəti bağışlamaq olarmı? - Reportaj
• Azərbaycanlı dizayner Ankarada mükafata layiq görüldü
• "Qladiator 2" satış rekordu qırdı