Kulis.az Zahid Sarıtorpağın şeirini təqdim edir.

***

Çırpınır pəncərəmdə bir küləkli qaranlıq,

• İntihar edən oğul, repressiya məruz qalmış nəvə - Tarixin kulisi
• Xurşudbanu Natəvanın şərəfinə mükafat təsis edilib
• Rəsul Rza və Nigar Rəfibəylinin yeni kitabları təqdim olunacaq

caynağından asılmış bir quş kimi çırpınır.

Nə zülməti çökdürür şamın ölgün işığı,

nə də ki pəncərənin titrək aynası sınır.

Yellənir boz tavanda hisli hörümçək toru,

Köhnə, tozlu güzgüdə çatlamış kimsəsizlik.

Ya biz doğulmamışıq, ya ömür çoxdan keçib, –

bu çarəsiz yoxluğa ağlayır kimsə gizli.

Kimsə gizli ağlayır… eşitmirik, görmürük –

koruq, karıq, bilmirəm, bəlkə də lap biz lalıq.

Biz Tanrıya uzanan əllərə sarı gələn

ya mübarək bir cavab,

ya cavabsız sualıq…

1983.

• İntihar edən oğul, repressiya məruz qalmış nəvə - Tarixin kulisi
• Xurşudbanu Natəvanın şərəfinə mükafat təsis edilib
• Rəsul Rza və Nigar Rəfibəylinin yeni kitabları təqdim olunacaq