Tanınmış yazıçı Şərif Ağayarın “Gülüstan” romanı çap olunub.

Kulisin verdiyi xəbərə görə, “Qanun” nəşriyyatında işıq üzü görən romanda əhvalatlar xəyali Gülüstan qəsəbəsində baş verir.

Əsərin qəhrəmanı Adil Əminov (Adəm) tarix müəllimidir, təyinatla Gülüstan qəsəbəsinə işə gəlir. Onun bu qəsəbədə çoxlu qaçqın tanışları, həmkəndliləri yaşayır. Onlara qəsəbədə yeni evlər verilib. Hacı Süleymanın tozlu düzəngahlarından toplanıb bura gətirilən insanlara xoşbəxtlik və parlaq gələcək vəd olunur. Bu vədlər nə qədər realdır? Romanda bu suala cavab axtarılır və yeni qəsəbə Adəmin yaddaşında dərdin-dərin xatirələr oyadır.

• Düz xətlər arasında qadın ehtirasları - Murad Köhnəqala
• "Bu, Azərbaycan kişilərinin rus qadınından intiqamıdır" - Hekayə müzakirəsi
• Qəbir yeri tapılmayan Vəfa Fətullayeva kimdir?

Onun vaxtilə sevdiyi Həyat da, yaxın dostu Ehtiram da Gülüstan qəsəbəsindədirlər. Gülüstan onların da taleyinə təsirsiz ötüşməyib. İndi isə Adəm özü bu qəribə məkanın cazibəsinə düşür.

“Gülüstan” romanı Sədi Şirazi və Bəxtiyar Vahabzadənin eyni adlı əsərləri ilə intertekstualdır. Eyni zamanda, əsərdə Kafkanın, Stendalın, Buninin, Mirzə Cəlilin əsərlərinə, ilahi və mifik mətnlərə göndərmələr vardır.

Kitabı şəhərimizin kitab mağazalarından və “Qanun” nəşriyyatından əldə etmək olar.

• Düz xətlər arasında qadın ehtirasları - Murad Köhnəqala
• "Bu, Azərbaycan kişilərinin rus qadınından intiqamıdır" - Hekayə müzakirəsi
• Qəbir yeri tapılmayan Vəfa Fətullayeva kimdir?