Güzəranı ağırlaşan Sabir 1900-c ildə qardaşı ilə birlikdə əllərindəkini satıb puluna qənd və şam alaraq İranın Məşhəd şəhərində yaşayan şamaxılı tanışlarının təkilfi ilə ora köçürlər. Qənd və şama orda böyük tələbat vardı.
Məşhəddə İmam Rzanın ziyatərgahnını idarə edən hörmətli bir axund varmış. Müqəddəs adam kimi tanınırmış.
Sabirgilin Qafqazdan gəldiyini öyərənən axund bir gün onu evinə dəvət edir.
Nahardan sonra axund deyir:
-Qafqazlılar şərabsız dillərinə yemək vurmazlar. Mən də onlardan adət etmişəm.
Sonra Sabiri evin zirzəmisinə aparıb şərab küplərini göstərir.
-Öz əlimlə düzəltdiyim üzüm suyudur. Meylin çəkirsə içək.
-Nahardan sonra içməzlər. Sağlıq olsun gələn dəfə içərik.
Sabir heç zaman dilinə içki vurmamışdı.
Ömrünün sonlarında Tiflisdə müalicə olunarkən həkim ona bir dərman yazır. Dərmanı qarnının üstündən ciyər nahiyəsinə sürtməzdən qabaq spirtlə silmək lazımmış.
Bir dəfə həkim yenə Sabirə dərman sürtəndə o zarafatla deyir: ”Xalq arağı qarnının içinə töküb keyf çəkir, mən bədbəxt isə qarnımın üstünə sürtüb əziyyət çəkirəm”.
Axundla nahardan qayıtdığı gün axşam Sabir kağıza azərbaycan və fars dillərində “Ay camaat, sizin müqəddəs hesab etdiyiniz filan axund şərabxordur. İnanmırsız zirzəmisini yoxlayın” yazır.
Gecəylə şəhərin mərkəzindəki divara yapışdırır.
Səhər bütün şəhər bir-birinə dəyir.
Məşhədlilər axundun evinə yollanıb zirzəmidə şərab küplərini aşkarlayırlar.
Rüsvay olmuş axundu eşşəyə mindirib küçəbəküçə gəzdirirlər.
Bundan sonra axundun yaxın adamlarının təqibindən qorxan Sabir bir müddət şəhərdən çıxıb ətraf kəndlərdə gizlənməli olur.
O şiə aləmində müqəddəs sayılan məzarın idarəedicisinin sadə, inanclı adamları aldatmasına dözə bilməmişdi.
P.S. Sabirin qarnına spirt sürtməsi ilə bağlı əhvalat çox məşhurdu. Əziz Şərifin xatirələrində var. İkinci əhvalat isə "Sabir xatirələrdə" kitabından götürüb. İkinci əhvalatı Sabirin qardaşı oğlu Zeynalabidin Tahirzadə danışıb. Səhifə 133.
Mirmehdi AĞAOĞLU
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Oxuduqca müəllifə inam artır, amma... - Vüsal Bağırlının "Vertrag"ı nə vəd edir?
18:47
3 iyul 2026
Rüstəm Kamalın ədəbiyyat dili - Elnarə Akimova
17:50
2 iyul 2026
Linkolnla görüşdü, yazdığı əsərləri unutdu, bir kitabla tarixi dəyişdirdi... - "Tom dayının daxması"nın müəllifi haqqında maraqlı faktlar
15:00
1 iyul 2026
Tadeuş Borovskinin “düşərgələşmiş insan” obrazı nəyi təsvir edirdi?
14:30
1 iyul 2026
"İlyas Göçmənin şəkil dəftəri” kitabında vizual poeziya fenomeni - Gülxani Pənah
10:00
28 iyun 2026
Süni intellekt əsrində yaşayanların stolüstü kitabı - Gələcəyin insanı necə düşünəcək?
15:00
25 iyun 2026
