writer1

Saday Şəkərli

Məqalə sayı

2
clock14:20 calendar-gray 21 May 2014 view-gray784 dəfə oxunub
view-gray784 dəfə oxunub

Səməd Səmədovun “nazlı yar”ı

Səməd Səmədovun “nazlı yar”ı

İkinci Yazı

Çox istəyirəm ki, havanın qaralmasına (bəzən lap qanımız kimi), küləyin qeybdən əsməsinə, suların axmasına və s. inandığınız kimi “MÜĞƏNNİLƏRİMİZ və MAHNILARIMIZ” layihəsinə Səməd Səmədovdan başladığımın məqsədli yox, tam təsadüf olduğuna inanasınız. İnanmasanız əgər, deyim, inanın. Deməli, bu yaxınlarda Rusiyaya səfərə çıxmışdım, qatarla. Yol yormasın deyə, mümkün vasitələrdən (ifadə heç xoşuma gəlmədi), yəni yolu qısaltmaq üçün ənənəvi metodlardan (hə, bu ifadə deyəsən uyğundu) istifadə etməyə qərar verdik, balaca stolun üstündə şadlıq saraylarımızdakı stolların üstündəki kimi barmaq basmağa yer qalmadığından içkiləri yerə transfer elədik. “Bir-iki, bizimki!” - deyib girişdik əhvalımızı köhnə saz kimi kökləməyə. Az keçməmiş radiodan musiqilər eşidilməyə başladı, nə başladı: çalan kim, oxuyan kim. Və nəhayət xalq artisti Səməd Səmədovun səsi kupemizə yol polisləri, gömrük işçiləri kimi daxil oldu. Mədənizdə nə varsa tökün stolun üstünə, beyninizdə nə varsa manqurtlaşın – bunları bizə Səmədin mahnısı deyir, özü də kefimizin bu Aşıq Əhliman vaxtında. Qaçmağa künc belə yoxdur, hər yer, yəni 18 vaqonluq qatar uzunluğunda səs, dinləməyə məhkumuq. Gömrükçülərin ölənlərinə bir rəhmət oxumaq vaxtıdır, yazıqlar gəlib çantalarımızın içinə baxıb getdilər, Səməd Səmədov isə əl çəkmək bilmir, içimizi laxladır.

Yarın gəlsə, naz eyləmə,
gülüzlü yarım bir bax mənə,
sən mənimsən, birdanəsən, yeganəsən,
istərdim evimizə gəlin gələsən.

Nəqərat gəlir, bəh-bəh:

Nazlı yarım,
şirin xəyalım,
aldın ixtiyarım…

Yuxarı mərtəbədə uzanmış ləzgi qardaşın bu mahnıya kef eləməsindən aradabir çırtma səsinin gəlməyilə xəbər tutduq, qoy eləsin, onsuz da nə oxuduğunu başa düşmür. Elə bu yerdə lətifələr danışmağın mahir ustası, tələbəlik dostum Muxtarın bir lətifəsini xatırlamadan sovuşsam, bilirəm ki, məni qınayacaqsınız. Muxtar danışır ki, bir ləzgi qardaş kupedə aşağıda uzanan yol yoldaşından xəbər alır:

- Can qardaş, haraya gedə varsınız?

- Saratova - cavabını alır. Ləzgi qardaş əllərini dizlərinə çırpıb nə desə yaxşıdır:

- Pah atoynan, bir kupenin yuxarı yeri Tümenə, aşağı yeri Saratova gedir, görün texnika nə qədər inkişaf eliyib bizim xəbərimiz olmayıb.


Aldı görək, ardı necə gəlir bu əsrarəngiz mətnə malik mahnının


Sənsiz nə gündüzüm var, nə gecəm,
inan mənə səni sevəcəyəm,
naz eyləmə yarım, bir mənə baxasan,
arzum budur anama gəlin olasan.

Ölənlərin behiştlik, ay Səməd Səmədov, bu mətnin müəllifi kimdirsə, gərək indiyə çoxdan xalq şairi adını alaydı, almayıbsa, sənədlərini təqdim eləsin AYB-yə, bu məsələ təki tez tapsın həllini.

Bu mətnin şeir kimi təhlilinə ayıracağım vaxta heyfim gəlir, axı, bu boyda nadanlıq olmaz, əzizlərim, əvvəla bu mətndə şeir adına bir misra belə yoxdur, bəs bəstəkar hara baxır, bəs xalq artisti adını almış müğənni niyə bu qədər savadsızdır (L.Zıkinanın, İ.Kobzonun, V.Tolkunova və başqalarının müsahibələrinin necə dolğun olduğundan xəbərsizlər), hansı haqla belə boz və mənasız mahnılarla zehnimizə, mənəviyyatımıza, kupemizə təcavüz edirlər.

Bircə özümü qatardan atmağa qalmışdı çarəm…

Lakin ata bilmədim, çünki bu mahnıya köklənmiş ləzgi qardaşımızın kefi pozula bilərdi…

P.S. Bir dəfə bəstəkar dostum Eldar Mahsurovla mahnı mətnlərinin bərbadlığından xeyli danışandan sonra dedi ki, artıq qatar gedib, bunu elə-belə xatırlamadım, haaa…

REKLAM

Yazarın digər yazıları

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021