writer1

Səhər Əhməd

Məqalə sayı

197
clock10:24 calendar-gray 28 Oktyabr 2013 view-gray1441 dəfə oxunub
view-gray1441 dəfə oxunub

Qurman yırtıcılar

Oxuduğun kitablar bitəndə əsl həyat başlanır. Bildiyin bütün oyunlar bitəndə. Həyat kitablardan və oyunlardan daha maraqsız, kəndirbazın ipdən kənardakı yerişi qədər həyəcansız. Həyat kitablardan daha yorucu. Dünyada necə süjet var ki, əslində bütün süjetlər bəlli, bütün sonlar məlum, tamaşalar təkrar, rollar əzbər, məzhəkələr və faciələr eyni. Tanış olmağa kimsə yox, adamların hamısı tanış.

Mələk üzlü, şeytan ruhlu adamlar, yaxşı tərbiyə almış, dünya görmüş, ağlı başında, əsəbləri qaydasında olan adamlar - dərsini əzbər bilən ahıllar, ilğımdan başı gicəllənən gənclər. Yox(sul)lar və var(lı)lar...

Uçanlar və sürünənlər, gözəl ceyranlar və qurman yırtıcılar, xınalı quzular və mömin qəssablar - hamısı bir arada, qarşılıqlı anlaşma şəraitində, bir-birinə nəzakətlə gülümsəyərək, həyatından razı, tox, nikbin və məmnun.

Hamıdan itaət etmək tələb olunur, yaxşı oynamaq, rolunu yaxşı əzbərləmək. Ədalət hissinə necə qalib gəlməyi, sadəlikdən hansı məsafədə uzaq dayanmağı, hədəfi nə vaxt görməzliyə vurmağı öyrənmək. Əslində həqiqət olan nədir, daha doğrusu hansıdır, bu barədə nəinki danışmamağı, heç düşünməməyi bacarmaq.

Həyat oyunlardan daha yorucu. Burda gözəl kombinasiyalar qurmağa gərək yox. Gücünü özünə saxla, həşəratlarla döyüşdə gücün nə önəmi? Yırtıcılara yenilmək həşəratları yenməkdən daha zövqlü, əzilən tərəf olmaq xoş deyil, əzən tərəf olmaq heç xoş deyil. Hər şeyi bilmək də heç nə bilməmək qədər mənasızdı. Hər şeyi dəqiqliyi ilə anlamaq, tələyə bilə-bilə düşmək. Və həm də bütün bunların hamısı çox primitiv şəkildə qarışıq, çox yüksək səviyyədə sadə və aydın.

Bu, həyatın ritmidi, onu pozmaq olmaz, onu tutmaq və təkrarlamaq lazımdır. Burda hamının öz toxunulmazlığı var, hamı toxunulmazdır - dəlilərə gülüb keçən ağılsızlar, aşiqlərə dodaq büzən sevgisizlər, xoşbəxtlərə həsəd çəkən uğursuzlar, dostluqlara şübhə edən vəfasızlar, məsumlara “dərs keçən” əxlaqsızlar.

Qəhrəmanlardan və satqınlardan ibarət, məğlubiyyətə məhkum bir ordu.

Tanış olmağa kimsə yox, adamların hamısı tanış.

REKLAM

Yazarın digər yazıları

Xəbər lenti

Alimlərimiz Əlişir Nəvai konfransında
17:56 14 Aprel 2021
Nə qədər acı olsa da, Seymur haqlıdır – Cavanşir Yusifli yazır...
17:05 14 Aprel 2021
Pamuku təzə romanına görə niyə linç edirlər?
16:20 14 Aprel 2021
Anar qazi-şairlərlə görüşüb
15:40 14 Aprel 2021
Öləcəyini bilə-bilə vertolyota minən Milli qəhrəman - Türkiyə prezidenti ondan nə xahiş etmişdi?
14:55 14 Aprel 2021
Ruhumuzun mistikası - Ibrahim Ibrahimli yazır
14:12 14 Aprel 2021
Ziyalılar Prezident Administrasiyasına müraciət etdi
13:31 14 Aprel 2021
Şah İsmayıl Xətainin kitabı nəşr olundu
12:47 14 Aprel 2021
Azərbaycandan borc istəyən Atatürkün məktubu - Nadir fakt
12:05 14 Aprel 2021
Kanalizasiyada ölən Əhməd məhəlləni necə xilas etdi?
11:25 14 Aprel 2021
“Tik-tok”da videosu çıxdığına görə döyülən qadın
10:44 14 Aprel 2021
Tanınmış rejissor vəfat etdi
10:15 14 Aprel 2021
"Ürəyim istəyən qədər boşboğazlıq etmək istəyirəm" - Seymur Baycanla müsahibə
09:00 14 Aprel 2021
Mərakeşdə Azərbaycanla bağlı kitab nəşr olundu
18:59 13 Aprel 2021
Gənc yazarla görüş keçiriləcək
18:08 13 Aprel 2021
44 günlük müharibəyə həsr edilən şeirlər kitabı çıxdı
17:21 13 Aprel 2021
Bir əliylə köksünü tutmuş... – Orxan Vəlidən seçmə şeirlər
16:45 13 Aprel 2021
Niyə kitab oxumalıyıq?
15:54 13 Aprel 2021
Kamal Abdullanın hekayəsi Gürcüstanda çap olunub
15:01 13 Aprel 2021
Övladı olmadı, Azərbaycanı biryolluq tərk etdi, gözləri tutuldu... – Kinomuzun Humayı hardadır?
14:10 13 Aprel 2021