news-inner
clock12:03 calendar-gray 05 Avqust 2013 view-gray1071 dəfə oxunub
view-gray1071 dəfə oxunub

Qarımış qız qədər dərdlidi dəniz

Bir zamanlar ədəbiyyata İlyas Ərnəfəs adlı bir gənc şair gəldi. Maraqlı, orijinal deyim tərziylə seçilən bu gənc tezliklə hamının diqqətini cəlb etdi və şeirləri “Azərbaycan”, “Ulduz” jurnallarında, ədəbi qəzetlərdə müntəzəm dərc edilməyə başladı.

Deyirdilər bu gənc gələcəyin böyük şairlərindən olacaq... Şeirdən başlanan yol onu Riqaya, ordan yenə də Vətənə qaytardı. Qayıdıb gələndə daha həmin həyat eşqiylə dolub-daşan gənc İlyas deyildi.

O vaxtdan İlyas bu dünyanın adamlarıyla dil tapa bilmir. “Azərbaycan” nəşriyyatının qabağında var-gəl edə-edə ciddi tövrlə kiminləsə danışır, bu söhbətlər bitmək bilmir... Biz heç vaxt İlyasın həmsöhbətini görə bilməyəcəyik... Bəlkə də “üzündəki mələk təbəssümüylə pillələri enən” o qızla danışır...

Kulis.az İlyas Ərnəfəsin “Ulduz” jurnalının 1990-cı il 2-ci sayında dərc edilmiş şeirlərini təqdim edir

Hayqırtı

Uzaqların boyunu ütür

bir bayram gecəsində,

tənha otaq küncündə yanan

qərib qəndil.

Yalqızlıq süzgəcindən keçirdi

qürbətin zorluğu,

yaşanmamış sevdaların göz yaşları.

Oyunlardan bezar dünya

itirdi rahatlığın səmtini.

Pıçıldar qaranlıqlar,

hayqırar aydınlıqlar.

Dinləməz bir kimsə:

- Tərk et, yalqız qəndilim,

otaq küncündəki qəribliyini!

Döyüldü xoş xatirələr

ötənlərin zindanında.

Dəmirçi körüyünə döndü xəyallarım.

Ümidlər yağmadı göylərin

qərib tutqunluğundan.

Qüssələr geniş çətirini açdı

başımız üstə.

Dabanlarımız cadar-cadardı

keçə bilməyəcəyimiz yolların xofundan.

Dar ağacında yellənən insanın

hədəqəsindən çıxmış mavi gözləritək

ümidsizdi dəniz.

Kəsik qola dönüb

sabaha uzanan yollar.

Yüyürür uca dağlar

qurumuş dəryaların dibsizliyinə,

çığırtıların qaytanı kəsir

dünyanın yağır çiyinlərini.

Bircə sən qaldın, yalqız qəndilim,

tərk edəcəksənmi axır,

dünya dolusu tənhalığını?!

Nəğmə

Dənizin hamar üzünü öpür

sahilin çağırış dolu təbəssümü.

Söykənəcəkdi ləpələrin səsinə

şaqraq gülüşlər.

Gəmilərə ilişib üzən

yosunlar xoşbəxtdi.

Göyərtə qapılarının cırıltısıdı

bədbəxtlik nəğməsi.

Darıxıb lövbərlər,

dibi göynəyir dənizin.

Qumlar

qızmar Günəşdən dəli-divanə,

yoxdu dünyada limanlar,

gözləmələrdə

insan baxışlarıdı önümüzü hasarlayan.

Gözlər -

bizdən uzaq oyunların bitməzliyi.

Hədəfə çatmayan zərbəyə dönürdü

get-gedə əllər.

Ayaqlar - tərk edilmiş sevdaların

uçuq sütunları.

Gözəl xatirələrə

başdaşıdı qayalar.

...Örtə bilmədiyimiz açıq qapılardı

ovuc dolusu azadlıq.

Kimsə görməz,

qarımış qız qədər dərdlidi dəniz.

Ağrılarına sığal çəkmədən

yoruldu dalğalar,

üzüqoylu düşdü sonsuzluqlar...

Şaşqınlıq

Xatırladığım bir şey;

pillələrlə enirdin,

üzündəki mələk təbəssümüylə.

Elə bil sən yox,

çöhrəndəki təbəssümdü mənə sarı gələn.

Bahar ətritək hopurdu pillələrə

hər addım atdıqca

ayaq səslərin.

Xoşbəxtlikdən başını itirmişdi

məhəccərlər,

təbəssümdən açıq qalmış

insan dodaqlarına bənzəyirdi

pillələr...

news-inner-user
Kənan Hacı

193 məqalə

Oxşar xəbərlər

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021