writer1

Sevda Sultanova

Məqalə sayı

795
clock08:00 calendar-gray 26 İyul 2013 view-gray2409 dəfə oxunub
view-gray2409 dəfə oxunub

Qadın və qocalıq

Gənc qadın nəvaziş və sevgiylə körpəsini sinəsinə sıxıb. İlk baxışdan qayğısız görünür.

Ancaq həm də elə bil, körpə qızını nəsə təhlükəli bir şeydən qorumaq istəyir.

Onun sağında isə başını köksünə əymiş, döşləri sallanmış, dərisi bürüşmüş, duruşundan məyusluq yağan yaşlı qadın dayanıb.

O, təravətini, gözəlliyini itirmiş vücuduna görə utanır və üzünü gizləmək istəyir.

Yaşlı qadın yaşı, qocalığı ilə barışmaq istəmir.

Bu, Avstriya rəssamı Qustav Klimtin “Qadının üç yaş dövrü” tablosudr.

“Rəsm predmeti kimi məni özüm az maraqlandırır. Məndə xüsusi nəsə yoxdur” deyən Klimti daha çox qadın bədəni, təbiəti maraqlandırıb və əsərlərində də ən çox onları təsvir edib.

Tablo 1905-ci ildə çəkilib.

Hələ o dövrlər plastik əməliyyatlar bugünki qədər nə inkişaf etmişdi, nə də aktual idi.

Görəsən, Klimt yaşasaydı, onun fırçasında müasir qadın necə, hansı rakursda, hansı boyalarla, kontrastlarla təsvir olunardı?

Məsələn, elə bu tablodakı, yaşına görə əzab çəkən o qadının durumunun hansı variasiyasını təklif edərdi Klimt?

Plastik əməliyyat keçirən bir qadın bədəni və siması tragikomik kontekstdəmi?

Estetik əməliyyat üzündən individuallığını itirmiş qadınların ümumiləşdirilmiş obrazımı?

Təbiətə qarşı kosmetik prosedurlarla ümidsizcə mübarizə aparan qroteskləşdirilmiş bir qadınmı?

...Hər iki cins üçün yaşı ilə barışmaq çətindir.

Xüsusən də həmişə cazibədar görünmək, üzərində diqqət hiss etmək istəyən qadın üçün.

Yaş kompleksi, təravətini itirən vücud qadını estetik əməliyyatların ağuşuna atır.

Bu, təbiəti, hər şeydən əvvəl isə özünü müvəqqəti, kədərli aldanışa bənzəyir.

Doğrusu, bu yazı televiziya ekranından Ajda Pekkanın ara-sıra gözümə dəyən kliplərindən sonra ağlıma gəldi.

Estetik düzəlişlər, texnologiya effektləri hesabına 67 yaşında da çılpaq bədəninin nümayişinə ehtiyac duyan Pekkan ümidsizcə təbiətə meydan oxuyur. Özümdən asılı deyil, ona acıyıram.

Və düşünürəm ki, qadın yaşıyla barışmaq istəməyəndə eybəcərləşir, özünü komik durumlara salır.

Nə edirsən et, təbiətə qalib gəlmək imkansızdır.

Texnologiyalar, estetik redaktələr belə təbii qüsurları ört –basdır etmək gücündə deyil.

O, yenə də bir şəkildə özünü büruzə verir.

Zəruri reallığa qarşı müqavimət anlamsızdır.

Bəs bu vəziyyətdə ən yaxşısı nə ola bilər: sadəcə, qadının yaşıyla barışması, yaşını, qırışlarını sevməsi, bəzən özünə ironiya etməsi.

Yaşının ötməsinə sağlam yanaşan, üzündə yaranan qırışları sevən qadınlar çəkici, işıqlı, təbii olur, nəinki estetik əməliyyata gedənlər.

Məsələn, sevdiyim aktrisalardan biri Annett Bening yadıma düşür. Somerset Moemin “Teatr” romanı əsasında ekranlaşdırılan filmdə baş rolu oynayanda 46 yaşı vardı. Bu qadının cazibəsinə heyran olmuşdum. Və mənə elə gəldı ki, onu daha da çəkici edən gözlərinin ətrafında, gülümsəyəndə üzünün bəzi yerlərində əmələ gələn xəfif qırışlarıdır.

REKLAM

Yazarın digər yazıları

Xəbər lenti

İnsanlar məşhur sənət əsərlərini evlərində belə canlandırdılar - Fotolar
19:50 31 Mart 2020
Məscid odunu - Mehriban Vəzirin yeni hekayəsi
18:27 31 Mart 2020
Tanınmış xanımlarımızdan "Evdə qal" kampaniyasına çörək hədiyyəsi - Fotolar
17:11 31 Mart 2020
Azərbaycanda anadan olmuş tanınmış yazıçı dünyasını dəyişdi
16:02 31 Mart 2020
Sevgilisinə görə 20 otaqlı ev tikdi, özündən 35 yaş cavan qızla evləndi, pula görə Üzeyir Hacıbəyova əsəbiləşdi - Cabbar Qaryağdıoğlundan maraqlı faktlar
15:19 31 Mart 2020
Ötən gecə Van Qoqun məşhur əsərini oğurladılar
14:32 31 Mart 2020
Ceyms Bond filminə 100 minlik zərbə
13:45 31 Mart 2020
Qohumların bizə gəlməyinə qəti qadağa qoymuşam – Yazıçılarımız karantin günlərini necə yaşayır? - Sorğu
12:30 31 Mart 2020
Facebookda “zibil atan”ların təhlükəli səhvi
11:50 31 Mart 2020
Dahi şairimizdən Günün Şeiri
11:15 31 Mart 2020
Azərbaycanlı qarmon ifaçısı vəfat etdi
10:31 31 Mart 2020
"Santa Barbara" serialının ulduzu dünyasını dəyişdi
10:17 31 Mart 2020
Milli Konservatoriya Koronovirusla Mübarizəyə Dəstək Fonduna ianə etdi
09:28 31 Mart 2020
Yuxu dərmanı - İsi Məlikzadənin hekayəsi
09:00 31 Mart 2020
Habil Əliyevin koronavirusa yoluxan qızı danışdı: “Qorxuram” - Foto
23:02 30 Mart 2020
Milli Kitabxanadan oxuculara daha bir virtual xidmət
20:02 30 Mart 2020
Komediya ustası koronavirusdan vəfat etdi
17:01 30 Mart 2020
Tanınmış rejissor dünyasını dəyişdi
16:38 30 Mart 2020
Koronavirus dünyanı necə dəyişəcək: ağlagəlməz ehtimallar
15:59 30 Mart 2020
Teatrdan evdə qalan tamaşaçılara jest - Repertuar
14:56 30 Mart 2020