writer1

Şərif Ağayar

Məqalə sayı

540
clock13:19 calendar-gray 22 İyul 2013 view-gray1560 dəfə oxunub
view-gray1560 dəfə oxunub

"Xanım T."

Xatirimdədir, “Alatoran” jurnalında avtobioqrafiq hekayəm çap olunmuşdu... Mövzusunu uzun-uzadı xırdalamaq istəmirəm... Sadəcə onu deyim ki, başımıza gətirilən müsibətlərdən bəhs edirdi və oxuyan adam hadisələrin reallığına anındaca inanırdı. Mərhum yazıçımız Rafiq Tağıdan mesaj aldım. Yazmışdı ki, hekayəni oxudum, mənə elə təsir etdi, zəng vurub ədəbiyyatdan danışmağa utandım...

Hekayələrim nəşr olunanda Rafiq Tağı bir qayda olaraq mənə zəng vurur, fikir bildirir, geniş müzakirə açırdı. Bu dəfə belə olmadı... Və mən indi anlayıram ki, Rafiq Tağı bu dəfə niyə məhz mesajla kifayətlənməli oldu.

Bəli, elə mətnlər var ki, onun üzərində ədəbiyyat dəm-dəsgahı açmağa ehtiyac yoxdur. Hətta bu, ayıbdır!

Bunlar o mətnlərdir ki, yazanda da poetik yaradıcılıq və bədii vasitələr haqqında düşünmürsən. Ağlamaq və gülmək kimi doğal ehtiyacını ödəyirsən elə bil. Dua kimi pıçıldayırsan, layla kimi zümzümə edirsən.

Mənim bu cür “ədəbiyyatı unudan” xeyli yazım var. İnanın, onlara daha çox ümidliyəm, nəinki, üstündə mollalıq elədiyim mətnlərə.

İnsan faciəsi qarşısında hər şey bihudədir! - bunu demişəm, qoyun, bir də deyim...

Elə adamlar tanımışam, elə faciələrin şahidi olmuşam ki, qarşısında insan qəlbi duruş gətirə bilməz. Və bu zaman yazmaq yeganə çıxış yolu olub.

Faciənin dözülməz tərəflərindən biri də budur ki, həmin adamların çoxu mənim yaxın-uzaq qohumlarım, dostlarımdır.

Bu insanlar yaddaşımdan heç vaxt silinmir. Sifətləri iri planda həmişə gözlərimin qarşısındadır. Bu adamlara münasibətim normal psixoloji vəziyyət deyil. Zədələrlə şərtlənən beyin halıdır. Bu adamlardan yaxa qurtara bilmirəm. Onların üzləşdiyi məşəqqətli həyat qarşısında ədəbiyyatın oyuncaq olduğunu düşünmüşəm zaman-zaman.

Mənim üçün insanın üstündə heç nə yoxdur. Tanrı belə onun qəlbində, ruhunda, gözəlliyindədir.

Yeni kitabım – bu günlərdə “Yazıçı” nəşriyyatında çap olunan “Xanım T.” bu insanlar haqda hekayətlər toplusudur. Kitabı elə beləcə də təqdim etmişəm: “Adamlar” silsiləsindən 39 hekayət”

Bu hekayətlər müxtəlif vaxtlarda yazılıb, saytlarda yayımlanıb. Az-çox müzakirələrə səbəb olub. Ancaq onları bir arada görməyin başqa “keyfi” var.

Oxucu ilə həyatın öz dilində danışan bir kitabdır “Xanım T.” Hər halda buna iddialıyam... İnsan faciələrinin hər cür bədiyyatın üstündə olduğuna iddialı bir kitab...

Amma, təbii ki, bunlar mənim fikirlərimdir.

Son söz isə oxucunundur...

Yəni, 40-cı söz!

REKLAM

Yazarın digər yazıları

Xəbər lenti

“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021