news-inner
clock08:45 calendar-gray 25 Aprel 2013 view-gray4088 dəfə oxunub
view-gray4088 dəfə oxunub

Kürün sahilində Gəncə konyakı içən Tetçer TARİXİ FAKT

Səbuhi Məmmədli

Böyük Britaniyanın baş naziri Marqaret Tetçer SSRİ-yə rəsmi səfərə gəlir. Maraqlı səfər olur, çünki 12 il imiş ki, Britaniyanın bir rəsmisi belə Moskvaya təşrif buyurmurmuş.

Tetçer Moskvada iki gün qalır. Üçüncü gün dövlət rəhbərlərindən SSRİ-nin ucqarlarına səfər etmək niyyətinin olduğunu bildirir. Onu Moskvanın qlamur aurasından daha çox əyalət maraqlandırırdı...

Tetçerə Gürcüstanı təklif edirlər. Baş nazir buranın Stalinin vətəni olduğunu öyrənəndə, dərhal razılaşır.

***

Tiflisdə Tetçeri və Britaniyanın xarici işlər naziri Hounu Gürcüstan SSR-in nazirlər kabinetinin sədri Otar Çerkeziya qarşılayır. Qonaqlar dərhal aeroportdan mərkəzi komitəyə, Gürcüstanın birinci katibi Djumber Patiaşvilinin qəbuluna gəlirlər.

Bir qədər istirahətdən sonra Tetçerin Tiflis səfərinin proqramı açıqlanır. Baş nazir əvvəlcə Opera və Balet Teatrına gedir. Burada ona o dövrlər SSRİ-nin məşhur opera və balet artistlərinin sevimli pinəçisi sayılan Tenqiz Xuroşvilinin tikdiyi xüsusi başmaq bağışlayırlar. Tetçer başmağa vurulan naxışlara heyrətini gizlədə bilmir.

Amma Tetçer hələ çox şeyə təəccüblənəcək və heyrətlənəcəkdi…

***

Xoreoqraf Tamaz Qoqotişvili xatırlayır ki, baş nazir uşaq ansamblının çıxışına baxır. Çıxış 15 dəqiqə nəzərdə tutulubmuş. Amma Qafqaz rəqslərini ifa edən uşaqların çıxışı Tetçerin o qədər xoşuna gəlir ki, onların çıxışını yarım saat ayaq üstə alqışlayır, həmin uşaqlarla xatirə şəkli çəkdirir.

***

Bundan sonra qonaqlar Kürün sahilinə gəlirlər. “Tbilisi” restoranına. Hörmətli qonaq üçün məhz burada, Kürün sahilində ziyafət verilirdi. Qonağa isə şəxsən Patiaşvili özü qulluq edirdi.

Hadisənin şahidlərinin danışdıqlarından:

«Əvvəlcə Tetçerə “Xvançkara” çaxırı süzdülər. Bir qurtum içib, ağzını büzdü. Patiaşvili pərt oldu. Ondan sonra baş nazir üçün bütün SSRİ-nin gözünə təpdiyi “Kindzmarauli” şərabı süzdülər. Dodağına yaxınladırdı, üzünü turşutdu. Birinci katib az qala dəli olmuşdu. Sonra Kaxetiya şərabı “Tibaani”, “Rkasiteli” və “Msvane” gətirdilər. «Tibaani»dən bir qurtum içdi. Patiaşvili bir qədər özünə gəldi. Sonra nə oldusa araya tərcüməçi girdi. Patiaşvili dərhal ətrafdakı əsabələrinə göz ağartdı. Stola dərhal erməni və Azərbaycan konyakı gətirdilər. Tetçerə “Göygöl” konyakı süzdülər. Təxminən 20-25 qram. İçdi. Gülümsədi. Sonra, təxminən yarı saatlıq yeməkdən sonra daha 25 qram süzdülər. Tetçer yenə həvəslə içdi. Patiaşvili yerə-göyə sığmırdı.

Dərhal folklor ansamblına göstəriş verdi, xalq rəqsləri və gürcü xoru ifaya başladı. Tetçer həvəslə baxır və qulaq asırdı».

***

Şahidlərin dediyinə görə, Tetçerə əsasən gürcü yeməkləri veriblər. Qomi, sulquni, glardji, sasivi, xingəl, xaçapuriylə yanaşı, o, dovğa da içib. Hətta lülə kababdan da dadıb.

Və bütün bunlar onun çox xoşuna gəlib.

Sonda isə gürcü xalqının sağlığına tost deyən baş nazirə Seretelinin böyük bir rəsm əsərini bağışlayıblar.

Şahidlər danışır ki, Tetçer Tiflisdən ayrılan kimi Patiaşvili yenidən həmin restorana qayıdıb və səhərəcən yeyib-içib…

Çünki Moskva razı qalıbmış. Amma bir məqam heç kimin yadına düşməyib: axı Tetçerin kefini qaldıran Azərbaycan konyakı olub.

Oxşar xəbərlər

Xəbər lenti

Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021
Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021
"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021