Aristotelin Makedoniyalı İsgəndərə dərs dediyi məktəb aşkarlandı

Aristotelin Makedoniyalı İsgəndərə dərs dediyi məktəb aşkarlandı
2 oktyabr 2026
# 11:00

Yunanıstanın şimalında yerləşən qədim Mieza şəhərinin arxeoloji qazıntıları zamanı dünya tarixini dəyişdirən bənzərsiz bir tapıntı üzə çıxıb. Belə ki, filosof Aristotelin 2300 il əvvəl Makedoniyalı İsgəndərə dərs dediyi tarixi məktəb aşkarlanıb.

Kulis.az xəbər verir ki, Yunanıstandan Hindistana qədər uzanan nəhəng bir imperiya quracaq İsgəndərin formalaşdığı bu təhsil ocağı arxeologiya dünyasında böyük rezonans doğurub.

İmatiya bölgəsindəki qazıntılara rəhbərlik edən arxeoloq Angeliki Kottaridi mətbuata açıqlamasında bildirib ki, bura Makedoniya kralı II Filipin qurduğu məktəbdir. Təxminən üç hektar ərazini əhatə edən Mieza arxeoloji zonasında banket zalları, idman pavilyonu, atletika stadionu, qapalı qaçış zolağı və daş partaları olan sinif otaqları tapılıb. Qazıntılar zamanı xarabalıqlar arasından sikkələr, keramika məmulatları və qədim dövrdə şagirdlərin yazı yazmaq üçün istifadə etdiyi dörd stilet (qələm) də aşkar edilib.

Una arqueóloga limpia un mosaico hallado en el suelo de una sala de banquetes descubierto en las excavaciones del yacimiento arqueológico de Mieza, Grecia

Roma tarixçisi Plutarx öz əsərlərində qeyd edirdi ki, Makedoniyalı İsgəndər 13-16 yaşları arasında məhz burada Aristoteldən etika, siyasət, ədəbiyyat və təbiət elmləri üzrə dərslər alıb. Bu təhsildən cəmi iki il sonra, e.ə. 338-ci ildə gənc İsgəndər Xeroneya döyüşündə süvari qoşunlarına rəhbərlik edərək afinalılar və fivlilərin birləşmiş qüvvələrini darmadağın etmişdi.

Dövrünün "elit məktəbi" və memarlıq inciləri

Kottaridinin sözlərinə görə, kral II Filip Amfipolis və paytaxt Eqa şəhərlərində də məktəblər (gimnaziyalar) qursa da, Miezadakı kompleks indiki mənada "elit məktəb" idi. Burada ən tanınmış zadəgan ailələrinin övladları taktika, strategiya və hərbi hazırlıq dərsləri keçirdilər.

2024-cü ildə başlayan və bu il də davam edən qazıntılar zamanı sinif otaqlarının yaxınlığında 20 nəfərlik mozaika döşəməli iki banket zalı, həmçinin ekstremal hava şəraitində idman üçün istifadə olunan, 64 dorik sütunla bəzədilmiş 200 metrlik qapalı qaçış zolağı üzə çıxarılıb. Kompleksin memarlıq detalları II Filip və İsgəndərin yaşadığı Eqadakı (indiki Vergina) kral sarayının elementləri ilə böyük bənzərlik təşkil edir.

Vista aérea de un complejo de habitaciones que incluía una antesala y dos salas de banquetes que se descubrió en las excavaciones del yacimiento arqueólogico de Mieza, en el norte de Grecia.

Ülvi Bahadır

# 766 dəfə oxunub

Oxşar xəbərlər

Vətən müharibəsinin həkimi:  "Yaralı əsgərlərdən biri üzərində qan ləkəsi olan bayrağı mənə hədiyyə etdi..." - Müsahibə

Vətən müharibəsinin həkimi: "Yaralı əsgərlərdən biri üzərində qan ləkəsi olan bayrağı mənə hədiyyə etdi..." - Müsahibə

11:48 8 noyabr 2026
“Uzaq sahillərdə” filmində göstərilməyən həqiqətlər - Mehdi Hüseynzadə son gülləsini kimə saxlamışdı?

“Uzaq sahillərdə” filmində göstərilməyən həqiqətlər - Mehdi Hüseynzadə son gülləsini kimə saxlamışdı?

12:00 2 noyabr 2026
"İnqilabi-demokratik mətbuatla burjua məfkurə orqanları arasında..."  - "Molla Nəsrəddin"lə "Füyuzat"ı kim üz-üzə qoyurdu?

"İnqilabi-demokratik mətbuatla burjua məfkurə orqanları arasında..." - "Molla Nəsrəddin"lə "Füyuzat"ı kim üz-üzə qoyurdu?

10:00 1 noyabr 2026
İmtiyazlarından imtina edib döyüşə gedən komandir - Sağlığında Milli Qəhrəman adını alan Şükür Həmidov kimdir?

İmtiyazlarından imtina edib döyüşə gedən komandir - Sağlığında Milli Qəhrəman adını alan Şükür Həmidov kimdir?

12:00 27 oktyabr 2026
Oğurlanmış sənət əsərlərinin izi ilə -  İtaliya və Afrika ölkələri yeni əməkdaşlığa başlayır

Oğurlanmış sənət əsərlərinin izi ilə - İtaliya və Afrika ölkələri yeni əməkdaşlığa başlayır

18:40 26 oktyabr 2026
Atatürkün axtardığı batmış qitə: Kritdən Muya gedən yol

Atatürkün axtardığı batmış qitə: Kritdən Muya gedən yol

15:00 19 oktyabr 2026
Ana səhifə Reels Yazarlar Xəbərlər