news-inner
clock16:03 calendar-gray 11 Mart 2021 view-gray1954 dəfə oxunub
view-gray1954 dəfə oxunub

İntihar edən qızın son nəğməsi

Kulis.az Xavər Şəfiyevanın "İntihar nəğməsi" hekayəsini təqdim edir.

Göy üzü qaralırdı... Buludların əl-ələ tutub tələsik harasa yan alması şəhərdə baş verən hadisələrdə onları günahkar biləcəklər deyə ehtiyat edərək uzaqlaşırmış kimi görünürdü.

Havanın tutqun və buludlu olmasına baxmayaraq beton üzərindəki qan ləkələri uzaqdan qaraltı kimi gözə çarpırdı. Hadisənin baş verdiyi ərazini lentlə mühasirəyə alınması axtarış-tədqiqat işlərinin davam etməsindən xəbər verirdi. Ara sıra gələn polis maşınları qonşuları sorğu sual edir, mənzil-mənzil gəzərək hadisə şahidlərini dindirməyə aparırdı. Eyni məhəllədə eyni saatlarda iki ölüm hadisəsinin baş verməsi nəinki məhəlləni bütün mikrarayon əhalisini təşvişə salmışdı. Hadisələrin cinayət yoxsa intihar olması araşdırılıb dəqiqləşdirdikdən sonra bəlli olacaqdır.

Əmim Nizami rayon polis şöbəsində işləyir. Dünən gecə saat 23:00 radələrində gələn zəng “07”-nin gənc xanımı vurmasından, ölümlə nəticələn hadisəsindən xəbər verirdi. Şəxsiyyəti təsdiq edən heç bir sənəd üstündə olmadığından hadisə qurbanının adını hələ də açıqlamamışdılar.

Digər hadisəin araşdırmaları da bir nəticəyə varmamışdı. Yaşadığım bina ilə üzbəüz olan beşmərtəbəli binanın üçüncü mərtəbəsindən intihar edən Bədirbəyli Günelin nə ölüsünü, nə də dirisini tapa bilmişdilər. Beton üzərində qalan qan ləkələri qızın sağ qalmaq ümüdini azaldırdı. Bütün məhəllə, hətta polislər belə hadisənin bir cinayət olmasını və izini itirmək üçün cəsədin aradan götürülməsi fikirlərini irəli sürürdülər.

Gözümüzün qabağında böyüyən Günelin belə bir iş tutması inanılmaz idi. Məhəllədə sakitliyi ilə seçilirdi. Pianino kursuna gedirdi. Onu intihara sürükləyən səbəb nə ola bilərdi axı? Günelin sağ tapılması üçün hamımız dua edirdik. Qızın yoxa çıxması o biri cinayət hadisəsini düşüncəmdə kölgədə saxlayırdı.

Əmimi yığıb təzə xəbərlərin olub olmadığını soruşdum. Axtarışlar nəticəsində intihar edən binadan 50 metr aralığında, yola çatmamış damcılar şəklində yeni qan izlərin aşkarlandığını söylədi. Qanın hadisə qurbanına məxsus olub olmadığını sübut etmək üçün hər iki yerdən analizlər götürərək laboratoriyaya göndərilib. Bəli, hər iki yerdən götürülən qanın eyni adama məxsus olduğu bəlli olub.

Deməli Günel ölməyib.

Şükür sənə, İlahi!

Hadisə yerindən ora qədər yeriyə bilibsə, demək ciddi xəsarət almayıb.

Tələsik əmimi bir də yığıb qızın təcili tapılması üçün axtarışlara tələsmək lazım olduğunu, vacib olsa, özümün də ora gələcəyimi dedim.

Gecikmişik!

Əmimin sözünü bitirməsi və telefonu qapatması ilə eyni oldu.

Əsəbi halda söylədiyi “gecikmişik” kəlməsi şimşək kimi beynimdə səs saldı. Xəyalımdan min cür şey keçirdi. Nə baş verdiyini öyrənmək üçün birbaşa polis şöbəsinə getməyi düşündüm. Həyətdə kişilərin, qadınların, uşaqların belə yığılıb həyəcanla nələrisə danışdığını eşidirdim. Nəsə ağır xəbərlərin olduğu hiss olunurdu. Xəbərlər, elə bil, ağızdan ağıza ildırım sürətilə yayılırdı.

Məhəlləmizdən əsas yola kimi 4/5 yerdə qan izləri tapılıb. Həyəcandan bədənim baş barmağımdan başımın tükünə kimi əsirdi. Avtoqəza baş verən yerdən götürülən qan izləri ilə məhəlləmizdə ayrı -ayrı yerlərdə tapılan izlərin cavabları eyni nəticəni vermişdi. Maşın vurması nəticəsində dünyasını dəyişən qızın adı açıqlandı:

Bədirbəyli Günel.

Demək Günel?

Bir cana neçə dəfə qəsd olunub İlahi!

Qız bir dəfə özünü yaşadığı otağın pəncərəsindən atıb, canından qurtula bilmədiyi üçün yaralı halda ikinci dəfə maşının altına atıb.

Hadisənin mahiyyətini, intihara gətirən səbəbləri öyrənmək üçün təhsil aldığı məktəbdən oxuduğu kitablara qədər, yaşadığı otaqdan işlətdiyi telefona qədər araşdırırdılar. Polislər Günelin yaşadığı otağın pəncərəsindən üstündə bir neçə cümlə yazılan kağız və pianoda özü ifa elədiyi "İntihar nəğməsi " adlanan musiqisini açıq qoyduğu telefonu taplb.

Kağızda belə yazılıb:

“Əziz valideynlər! Əsas da atalar!
Siz övladınızı qorxutmaqla, döyməklə, söyməklə psixoloji və ya mənəvi zoraklıq göstərməklə onları tərbiyələndirdiyinizi düşünürsünüszə, yanılırsız.
Onları tərbiyə adı ilə sıxışdırmayın, xoşbəxtlikdən məhrum etməyin. Bizim də xoşbəxt olmaq haqqımız var! Burda tapa bilməyəcəyim xoşbəxtliyi orada tapacam deyə yola çıxıram. Əlvida!”

news-inner-user

19527 məqalə

Oxşar xəbərlər

Xəbər lenti

Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021
41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021