writer1

Sərdar Amin

Məqalə sayı

89
clock13:35 calendar-gray 03 Noyabr 2020 view-gray7935 dəfə oxunub
view-gray7935 dəfə oxunub

"Bu şəhərdə": seksizmdən təhqirə

İctimai nüfuzu olan şəxslərin ağzından çıxan sözlə, sıravi adamların fikirləri cəmiyyətdə fərqli rezonans yaradır. Eyni fikri sıravi sosial şəbəkə istifadəçisi yazanda həmin postla 5-3 nəfər maraqlanır, amma məşhurların dilindən çıxanda aləm dəyir bir-birinə.

Bu, əslində, çox təbii hadisədir.

Təbii olmayan məqam budur ki, əksər məşhurlarımız hələ bu reallığı başa düşməyib. Səbəb onların bu məşhurluğa layiq olmamaqlarıdır. Saxta nüfuz saxta sənəd kimi addımbaşı adamı ələ verir.

“Bu şəhərdə”nin Feysbuk hesabından paylaşdığı bir şəkil də yuxarıda qeyd olunan problemi aşkar sərgiləyir.

Şəkildə bir neçə hamilə qadın yürüş edir. Üzərində isə “Anna Akopyanın dəstəsi Qarabağdan qayıdır 2020” yazılıb. Bir daha təkrarlamağı zəruri sayıram, bu şəkil adi bir adam tərəfindən paylaşılsaydı, çoxu gülüb keçəcəkdi, “caps”in rəzilliyi çox insanda qıcıq yaratmayacaqdı. Milyonlarla izləyicisi olan “Bu şəhərdə” kollektivinə məxsus səhifənin bu şəkli paylaşması isə əksər söz adamlarında haqlı qıcıq yaratdı və bir gün ərzində onlarla şəxs “Bu şəhərdə”ni topa tutdu.

Bəli, “caps”də verilən mesaj əslində gülməli deyil, biabırçıdır.

Bir müddət əvvəl “Bu şəhərdə”nin konsertində baş alıb gedən seksizmdən söz açmışdım. Bu kollektiv əksər yumoristik situasiyaları qadın bədəni, kişi-qadın ayrı-seçkiliyi, qadınla bağlı cəmiyyətin arxaik fikirləri, stereotiplər üzərində qurur. Bu şəkildəki yanaşma isə təkcə seksist deyil, qadınlara açıq həqarətdir.

Birincisi, qadın bədəni söyüş toxumları üçün nəzərdə tutulmuş dirrik deyil. Hamiləlik dünyanın ən müqəddəs situasiyasıdır. Bu prosesdə yeni dünyanın təməli olan körpə dünyaya gəlir. Ümumiyyətlə, qadının doğmaq reallığı üstünlükdür, nəinki kişiyə xidmət.

Zəif intellektli tin kişilərinin şaqqanaq çəkib güldüyü cinsəl zarafatlar, söyüşlər bir yumor komandasının materialı olmamalıdır, ələlxüsus, cinsə yönəlik aşağılama, təhqir qəti yolverilməzdir. Bu təhqir bizim ölkəmizdə ictimai sifarişli cinayət şəklini almasa da, reallığı başa düşənlər üçün böyük rəzalətdir.

İkincisi, paylaşım nəinki qadın nöqteyi-nəzərindən, hədəfə alınan digər tərəflərdən də komik deyil. Əsgərlərimiz hazırda döyüşdə qanı, canıyla şəhadət verir. Biz onlar haqqında bu tip situasiyaları düşünmək üçün nə qədər yelbeyin olmalıyıq. Bu foto hazırda cəbhədə gedən müqəddəs prosesi anlamamaqdır.

Məşhurluq durduq yerdə qazanılmır, ona aparan yol insana adətən bir çox keyfiyyətlər aşılayır, hansı ki, bu keyfiyyətlər məşhurların davranışlarını, ağzından çıxan sözləri tənzimləyir. Olduqca maraqlı məsələdir; niyə Azərbaycanın şou-biznes, bazarının nümayəndələri, məşhurlar məşhurluğa gedən yolda həmin keyfiyyətlərdən nəsibini almayıb. Çox güman, həmin şəxslər məşhurluğa normal ictimai proseslər fonunda çatmayıb, yaranan boşluqda, sağlam olmayan rəqabət fonunda kəsə yolla gəliblər.

Bu “caps”in ərsəyə gəlməsində “Bu şəhərdə”nin aktyorları qarnına balış qoyub hamilə qadınlarla bağlı səviyyəsiz zarafat edəndə gülən toplumun az “əməyi” yoxdur.

Görəsən, “Bu şəhərdə” ən aşağı təbəqənin gülüş nəbzinə hesablanmış atmacalardan, eyhamlardan qurtulub nə zaman irəli gedəcək?

Təəssüf, belə görünür ki, “Bu şəhərdə” də ən yaxşı halda bir mərhələ idi, cəmiyyətin inkişafına ciddi dəxli olmayan, boşluqda yaranmış bir biznes layihəsi. Onlar da məşhurluqlarının kölgəsində sətəlcəm olmuş milyonlarla həmkarları kimi zəifləyib yeni eraya qədəm qoya bilmədilər. Çox kədərli cümlə olsa da, onlardan artıq keçmiş zamanda danışmaq zorundayıq, xatırlanacaqlar, relikt kimi.

Bu qara proqnozu verməkdə əsas səbəbim isə həmin “caps”in paylaşımından 22 saat ötsə də, çox ciddi şəxslərin bu şəklə sərt reaksiya verməsinə baxmayaraq, onların bu fotonu silməməsdir. Hələ çıxıb açıqlama da verirlər ki, düz eləmişik! Bizi gözü götürməyənlər həmişə olub, it hürər, karvan keçər. Karvan isə göz görə-görə yanlışa gedir - qarşıdakı tufanı görmədən...

P.S. “Bu şəhərdə” haqqında yazdığım ikinci yazıdır, çox güman ki, qarşı tərəf bu yazıların qərəzli olduğunu düşünəcək. Nə yazıq ki, bu, ictimai sifarişdir, ötən bir sutka ərzində onlarla mədəniyyət adamı bu fotonu paylaşaraq, altında şərh yazaraq hiddətini ifadə edib.

REKLAM

Yazarın digər yazıları

Xəbər lenti

Bəy ailəsində doğulsa da kimsəsiz böyüdü, Cəfər Cabbarlı ilə sinif yoldaşı oldu, gözləri görməyə-görməyə tamaşa oynadı – Kinomuzun Rüstəm bəyi
16:30 05 Dekabr 2020
Ceyms Bondun tapançası satıldı
15:45 05 Dekabr 2020
“Humay” mükafatının qalibləri məlum olub
14:35 05 Dekabr 2020
Birinci arvadını öldürməklə fəxr edən adam – Eyvaz Əlləzoğlunun hekayəsi
13:30 05 Dekabr 2020
Hüseyn Caviddən gözəl bir qoşma - Günün şeiri
12:30 05 Dekabr 2020
Oskar mükafatının təqdimetmə mərasimi virtual keçirilməyəcək
11:15 05 Dekabr 2020
Həvəskar və peşəkar rəssamlar arasında rəsm müsabiqəsi keçirirlir
10:12 05 Dekabr 2020
Fuad Poladov: "Bir qız zəng vurub evimizə deyib ki, Fuadı Rostovda öldürüblər" - Müsahibə
09:01 05 Dekabr 2020
Beynəlxalq müsabiqədə şəhidlərimiz yad edildi - Ukraynada
20:05 04 Dekabr 2020
"Italyansayağı xoşbəxtlik" tamaşası onlayn nümayiş ediləcək
19:30 04 Dekabr 2020
Aydın sabahların dostu
18:56 04 Dekabr 2020
Sirlərin bədii və elmi sərgüzəştləri – Elçin yazır...
18:10 04 Dekabr 2020
Azərbaycanlı rejissor qəhrəmanlarımızdan film çəkmək üçün müraciət etdi
17:35 04 Dekabr 2020
Şəhid dənizçilərə kitab həsr olunacaq
17:10 04 Dekabr 2020
Xudayar Yusifzadə və bütün Şəhidlərimizin ruhuna: Vətən yaxşıdır
16:28 04 Dekabr 2020
"Ulduz" jurnalının yeni nömrəsi Qarabağa həsr olundu
15:46 04 Dekabr 2020
Bizim üçün ölümə gülə-gülə gedən 2783 adam
15:03 04 Dekabr 2020
Günel Eminlinin yeni kitabı işıq üzü gördü
14:19 04 Dekabr 2020
Kamal Abdulla: “Mənim üçün ad günü kədərli gündür” - Müsahibə
13:37 04 Dekabr 2020
Koronavirusa qarşı qələbə vaksini
13:01 04 Dekabr 2020