Sankt-Peterburqda ağır xəstəlikdən sonra Rusiyanın əməkdar artisti, məşhur aktrisa Natalya Danilova dünyasını dəyişib.
Kulis.az xəbər verir ki, bu barədə "Fontanka" nəşri V.F.Komissarjevskaya adına Teatrın mətbuat xidmətinə istinadən məlumat yayıb.
Teatrın yaydığı rəsmi nekroloqda deyilir: "Görkəmli aktrisa və heyranedici, gözəl bir qadının həyatdan getməsi ilə əlaqədar dərin hüznlə kədərlənirik".
70 yaşında vəfat edən aktrisa kinoda ilk rolunu hələ 13 yaşında ikən İqor Maslennikovun "Sabah, aprelin 3-ü..." (Завтра, третьего апреля…) filmində oynamışdı.
Lakin ona ən böyük, qlobal miqyaslı şöhrəti Stanislav Qovoruxinin kult filmi olan "Görüş yerini dəyişmək olmaz" serialında canlandırdığı kiçik serjant Varvara Siniçkina rolu gətirib. Bundan əlavə, aktrisa Mixail Şveytserin "Kiçik faciələr" filmində knyaginya Volskaya obrazını canlandırıb, həmçinin "Atalar və oğullar", "Görünməz adam", "Klim Samginin həyatı", "Vasilyevski adası" və "İmperiyanın qanadları" kimi ekran işlərində yer alıb.
Danilova aktrisalıqla yanaşı, dublyaj sahəsində də fəal olub. O, Aleksey Balabanovun məşhur "Qardaş 2" filmində Daşa (Merilin) obrazını, eləcə də məşhur "Üç pəhləvan" animasiya filmində Lyubavanın nənəsini və "Luntik" cizgi serialındakı xarakterləri səsləndirmişdi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər