writer1

İlham Əziz

Məqalə sayı

12
clock12:01 calendar-gray 08 Oktyabr 2020 view-gray1229 dəfə oxunub
view-gray1229 dəfə oxunub

Pulumuzu oğurlayan erməni

1984-cü ilin yayında rayonumuzun məktəblərindən 25 nəfər seçib Şuşaya pioner düşərgəsini aparmışdılar. Salyanın istisindən çıxıb, səp-sərin, yam-yaşıl yerə düşmüşdük.

“Qaqarin” adına “pionerlager”in arxa qapısı Cıdır düzünə açılırdı. Qapıdan çıxan kimi, önündə dünya boyda geniş çəmənlik, göz işlədikcə dağlar görünürdü. İki gündən bir bizi ora aparırdılar. Yerli uşaqlar bizə dağları, dərələri, bitkiləri, bir sözlə hər şeyi adbaad öyrədirdilər.

İlk dəfə qartalı da orda görmüşəm. Elə ucadan, elə rahat, elə fəxrlə süzürdü ki, adam o qaratala qoşulub uçmaq istəyirdi.

Hər səhər yeməkxananın qabağına düzülüb “pendir, çörək, şirinçay, gecikənə yoxdu pay” oxuyurduq. Tez alışmışdıq düşərgəyə. Düşərgə ümumittifaq olduğundan, orada hər yerdən, hər millətdən uşaqlar var idi.

Lagerin direktoru da erməni qadın idi. Onda biz erməni nədir bilmirdik. Şuşanın təbiəti əsrarəngiz idi, bir saat yağırdı, kəsən kimi göy üzü açılırdı, tər-təmiz gün çıxırdı. Nə yağış, dolu yağırdı, buz yağırdı.

Düşərgədə bir-iki şəhər uşağı hasardan aşıb gəlir, bizə qoşulur, futbol oynayırdılar. Müəllimlər də göz yumurdular. Biz otaqda 4 uşaq qalırdıq, hamımız da Salyan məktəblərindən. Hasradan aşıb bizə Armen adında erməni uşaq qoşulmuşdu. Hündürboy, gülərüz, qaynayıb-qarışan uşaq idi. Hətta bizə qahmar da çıxırdı. O qədər isnişmişdik ki, otağımıza gətirirdik, müəllimlər görməsin deyə gizlədirdik. O da futbolda canla başla oynayır, dava düşəndə özünü qabağa verirdi.

Lagerin mətbəxində işləyən qadınlardan biri şokoladlı noğul satırdı. Orada ən qimətli şey bu noğul idi. 1 manat verib tum paketində noğul alıb, ləzzətlə yeyirdik. Bütün noğullarımı Armenlə bölürdüm. Nə də olmasa, ilk dəfə başqa yerdən dost tapmışdım.

Lagerə 20 günlük gəlmişdik. Atam cibimə 18 manat pul qoymuşdu. Bu mənimçün çox böyük pul idi. O yaşıma qədər bir cibdə o qədər pulum olmamışdı. Həm də noğul almağa bəs edirdi. İlk dəfə idi uşaq arzuma çatmışdım. Lager, gözəl dostlar, hər gün futbol və istədiyim qədər dadlı noğul. Amma sən saydığını say...

Lagerdə qaldığımız 9-cu gün günorta yeməyindən qayıdıb gələndən sonra otaqdakı uşaqların, içi mən qarışıq pullarımız yoxa çıxdı. Otağı ələk-vələk elədik, pullar yox idi, elə bil göyə uçmuşdu. Milisin qorxusundan cınqırımızı da çıxarmadıq.

Armen o gündən bir də lagerə gəlmədi. Ən dəhşətlisi o idi ki, qalan 10 günü biz göy üzünə az baxdıq, gözümüz yerdə-yurdda qaldı. Hər şeyin dadı qaçdı.

Bilə-bilə ki, pulları Armen oğurlayıb, inanmaq istəmir, pulu yerdən tapıb onu günahsız olduğunu sübut etmək istəyirdik. Oysa Armen bizim xəyallarımızı, nübar etdiyimiz dostluğumuzu, inamımızı, noğul sevincimizi oğurlamışdı.

Mən Qarabağ müharibəsi başlayanda, rayonlarımız işğal olanda, başımıza müsibət gələndə hamısının günahını Armendə gördüm. Uşaqlıq xəyallarımızı oğurlayan Armen böyüyüb vətənimizi, Şuşanı, Cıdır düzünü, o vüqarlı Qartalı, minlərlə uşağın noğul xəyalların oğurladı.

Bizsə uşaq vaxtlarındakı kimi, gözümüzü yerə dikib, birtəhər onu günahkar çıxarmaq istəmədik. Elə hey düşündük ki, günah bizdədi.

Bu gecə yuxumda Şuşanı, o qoca vüqarlı qartalı, dünyanın ən şirin noğullarını görmüşəm. Yuxumu işığa, suya danışmışam.

REKLAM

Yazarın digər yazıları

Xəbər lenti

Hacıbaba Hüseynovun qızı: “Atam onların üzünə söyürdü” - Müsahibə
21:03 03 Mart 2021
Anar Kərimov İstanbulda azərbaycanlı incəsənət xadimləri ilə görüşüb
18:40 03 Mart 2021
“Azərbaycan” jurnalının yeni sayı çap olundu
18:01 03 Mart 2021
Amerikalıları heyrətləndirən şuşalı qadın - Vilayət Quliyev yazır...
17:14 03 Mart 2021
Zibillik oyuncağı – Hekayə
16:15 03 Mart 2021
Gənc Tamaşaçılar Teatrının mart repertuarı
15:24 03 Mart 2021
Bakı bulvarını tikdirdi, bolşeviklərə qoşularaq cümhuriyyətə xəyanət etdi, həbsxanada özünü mələfə ilə asdı - Nazirimizin dəhşətli həyatı
14:30 03 Mart 2021
Azərbaycanlı yazıçı və oğlu koronavirusa yoluxdu
14:00 03 Mart 2021
Sultan Səlimin həyatı film olur
13:44 03 Mart 2021
Şeron Stoun makiyaj fırçası ilə rəsm çəkdi - Foto
12:59 03 Mart 2021
Onlar bu əsərləri ilə tanındılar - Siyahı
12:04 03 Mart 2021
“İlin Press Fotosu” müsabiqəsi keçirilir – Azərbaycanda ilk dəfə
11:56 03 Mart 2021
Rüstəm İbrahimbəyov dərs keçdi - Foto
11:30 03 Mart 2021
Oğlunu qurban kəsən ata və məni güldürən Anar müəllim
10:56 03 Mart 2021
Əməkdar artist xəstəxanaya yerləşdirildi
10:18 03 Mart 2021
Fəxrəddin Manafova ağır itki üz verib
09:36 03 Mart 2021
Otağımda çarmıxa çəkilmiş qadın bədəni – Malik Atilaydan yeni şeirlər
09:00 03 Mart 2021
Əməkdar artistin kitabı çap olunub
18:50 02 Mart 2021
Ancelina Coli keçmiş nazirin tablosunu satdı
18:01 02 Mart 2021
Mirzə Cəlili Qoqolun “Kolyaska”sına soxmaq cəhdləri
17:20 02 Mart 2021