writer1

Şərif Ağayar

Məqalə sayı

559
clock11:33 calendar-gray 01 Oktyabr 2020 view-gray1401 dəfə oxunub
view-gray1401 dəfə oxunub

Xalqımızı heç vaxt belə görməmişdim

Liberal dəyərlər, fikir plüralizmi, humanizm, lap belə pasifizm müasir insana xas, demokratik cəmiyyətləri təşkil edən vacib məfhumlardır.

Buna heç kimin şübhəsi yoxdur.

Lakin elə bu ifadələrin içində məxsusi işlətdiyim plüralizm heç bir fikrin mütləq həqiqəti əks etdirmədiyinin sübutudur.

Dünyada nə qədər insan var, o qədər fikir ola bilər.

Bəs necə edək ki, hər ağızdan bir avaz gəlib cəmiyyətdə anarxiya yaratmasın?

Demokratiya bunu belə tənzimləyir: çoxluğun fikri nədirsə, o da qəbul olunmalıdır!

Qarabağda döyüşlər getdiyi bir vaxtda Azərbaycan toplumunda çoxluq nə düşünür? Məncə sual ritorikdir, çünki cavabını hər kəs bilir.

Xalqımızın 99,9 faizindən də çoxu torpaqlarımızın azad olunmasını təkidlə tələb edir.

Səmimi etiraf edim, Azərbaycan xalqını heç vaxt belə görməmişdim!

Qarabağın xalqımızı öz ətrafında yumruq kimi birləşdirəcək ən vacib məsələ olduğunu ilk gündən bilirik...

Lakin bu ideyanın 30 il sonra da insanları məhz bu şəkildə təsirləndirib 7-dən 70-ə ayağa qaldıracağı heç vaxt ağlıma gəlməzdi.

Biz pandemiya dövrünü yaşayırıq. Sirr deyil ki, dövlət, müxtəlif təşkilatlar, mütəxəssislər, dünya mediası ardıcıl təbliğat aparsa da biz karantin qaydalarına hamılıqla və tamamilə əməl etmədik.

Qarabağ təbliğatsız-filansız hər bir Azərbaycan vətəndaşını müsəlləh əsgərə çevirdi.

Səbəbsə sadədir: ədalət bizim tərəfimizdədir!

Əgər, 15 il əvvəl bu həqiqəti beynəlxalq ictimaiyyətə lazımınca çatdıra bilməmişdiksə, indi hamı hər şeydən agahdır.

Bizi istəyən də, istəməyən də.

Dost da, düşmən də.

Qarabağın istiladan azad olunması Azərbaycan xalqının iradəsidir.

Müzəffər ordumuz da bu iradəni təmsil edir.

Mən Aprel döyüşləri vaxtı bir yazımda yazmışdım: dövlət sərhədlərimizin tamamilə bərpasına qədər Haqq bizim tərəfimizdədir. BMT-nin məlum qətnamələrində də bu həqiqət lazımınca təsbit olunub.

Əmin olun, əgər Qarabağın azadlığından sonra ordumuz dövlət sərhədlərini pozub, BMT-nin rəsmən tanıdığı hansısa ölkənin ərazisinə hücum etsə, ən birinci pasifist mövqeni mən nümayiş etdirəcəyəm.

Öz adım kimi əminəm, Azərbaycan xalqının və Azərbaycan dövlətinin heç bir zaman belə bir niyyəti olmayıb, yoxdur və olmayacaq.

Biz ədalət istəyirik!

Lakin son 26 ildə istədiyimiz kimi yox...

Bu dəfə 26 il bizə verilməyən haqqı özümüz alacağıq.

İgid Azərbaycan oğullarının canı-qanı bahasına...

Dünyanın pozulmayan bir hikməti var – insan bir nəsnəni canı-qanı bahasına istəyirsə, Tanrı mütləq onu ona hədiyyə edir.

Mənim istəyimizdəki səmimiyyətə şübhəm yoxdur, demək Böyük Qələbə qaçılmazdır.

On illərdir qan-yaş tökən xalqımızın sevinc göz yaşları axıdacağı gün yaxındadır...

REKLAM

Yazarın digər yazıları

Xəbər lenti

Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021