writer1

Günel Mövlud

Məqalə sayı

26
clock08:45 calendar-gray 01 Dekabr 2012 view-gray8232 dəfə oxunub
view-gray8232 dəfə oxunub

Aqşin və Qismətin utanılası şeirləri

Belə şeylər eləmək üçün hərdən adamın əlinin içi gidişir. Modern, fərqli şeirlər yazdıqlarını iddia edən şairlərin hələ sarıdimdik vaxtlarında yazdıqları, sonradan adam arasına çıxarmaq istəmədikləri şeirləri bir yerə toplamaq. Əlimdə onlardan cəmi ikisinin Aqşin Yenisey və Qismətin şeirləri var. Əslində daha bir neçə şairin də bu tipli şeirləri var, amma bilirəm ki, onlar bu hərəkətə Aqşin və Qismət kimi tolerant yanaşmayacaqlar.

Ədalət naminə özümün də on yeddi-on səkkiz yaşımda yazdığım şeirlərdən birini onların gözünə qoşuram ki, sonra söz-söhbət olmasın.

Qismət

(«Çıxardın əynimdən bu adamları» kitabından)

Günah özündədir, yaxşı bilirsən

Ağlasan, bəlkə də bağışlayaram

Ağlamaq yerinə sən ki, gülürsən

Ağlasan, bəlkə də bağışlayaram

Tez solan çiçəyə çevriləcəksən

Sovrulub, küləyə çevriləcəksən

Qapımda köləyə çevriləcəksən

Ağlasan, bəlkə də bağışlayaram.

Mənsiz günlərində, gülüm, gərək sən

Məni düşünəcək, düşünəcəksən

Get bir fala baxdır, öyrən, görək sən

Ağlasan, mən səni bağışlayaram?

Gözümdə kədərdi, yaş deyil mənim

Bu sevgim köçəri quş deyil mənim

Sənin tək ürəyim daş deyil mənim

Ağlasan, bəlkə də bağışlayaram...

Aqşin

(«Unutmaq sözünün şəkli» kitabından)

Mənim nə qəribə taleyim varmış

Səni itirmişəm, amma işə bax

İndi görüşəndə məndən dost-tanış

Səni soruşurlar kefimdən qabaq

Deyə bilmirəm ki, getdi o günlər

Susub telefonlar, batır günaha

O vaxt dediyimiz isti kəlmələr

Soyuq məftilləri qızdırmır daha

Elə bil dilsizdir bu küçə, bu tin

Görən olmayıbdır bu səhər qoşa

Metrodan çıxarkən üzr istəməkçün

Sənin ayağını tapdalamışam

İndi yad olsam da mən sənin üçün

Bir fikir önündə titrəyir huşum

Dost-tanış bir yana, qorxuram bir gün

Mən özüm kimdənsə səni soruşum

Günel Mövlud

Köhnə ünvan

Hər daşı, divarı əlinin izi

Hər udum havası səsindi sənin

Ağlayan görürəm pəncərələri

Köçdüyün bu evdə yasındı sənin

Xəbərsiz-ətərsiz elə itmisən

Bilmirəm hardasan, hansı yandasan

Divardan bu tayda gözüm yaşarıb

O tayda xəbərsiz sən dayanmısan

Zorla ayaqlarım bura gətirir

Bu yerdən sakitcə keçə bilmirəm

Sən fağır bir qızdan qaça bilirsən

Mən bir daşdan-divardan qaça bilmirəm...

REKLAM

Yazarın digər yazıları

Xəbər lenti

Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021