Britaniyanın məşhur rok qrupu "The Rolling Stones" özünün sayca 25-ci studiya albomunu dinləyicilərin ixtiyarına verib.
Kulis.az xəbər verir ki, bu barədə məşhur "Billboard" nəşri məlumat yayıb.
Ulduzların iştirakı ilə ərsəyə gələn albom
"Foreign Tongues" adlanan yeni alboma ümumilikdə 14 mahnı daxildir. Onlardan 12-si tamamilə yeni kompozisiya, qalan ikisi isə mərhum müğənni Emi Uaynhausun "You Know I’m No Good" və rok-n-roll əfsanəsi Çak Berrinin "Beautiful Delilah" mahnılarının yenidən ifasıdır.
Diqqətçəkən məqamlardan biri də odur ki, yeni buraxılışın ərsəyə gəlməsində dünyaşöhrətli musiqiçilər iştirak ediblər. Onların arasında Stiv Uinvud, Pol Makkartni, "The Cure" qrupunun solisti Robert Smit və "Red Hot Chili Peppers" qrupunun zərb alətləri ifaçısı Çed Smit kimi ulduzların adları var.
Konsert turu niyə ləğv edildi?
Qeyd edək ki, bir müddət əvvəl "The Rolling Stones" 2026-cı ildə Böyük Britaniya və Avropada baş tutması planlaşdırılan irimiqyaslı qastrol turunu ləğv etmişdi.
Buna əsas səbəb qrupun 81 yaşlı gitaraçısı Kit Riçardsın səhhətinin qastrola çıxmağa imkan verməməsi olub. Bildirilir ki, artrit xəstəliyi ilə uzunmüddətli mübarizə musiqiçinin ifa texnikasına mənfi təsir göstərib və onun belə ağır, yorucu konsert qrafikinin öhdəsindən gələ bilməyəcəyi qənaətinə gəlinib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
