news-inner
clock23:04 calendar-gray 24 Noyabr 2012 view-gray1848 dəfə oxunub
view-gray1848 dəfə oxunub

Məni yoxluğunun qolları sıxır...

Səndən sonra kimsəyə dərdimi danışa bilmirəm, Zərdüşt. Bilirəm, məni eşidirsən, qulaq as.

***


Biz səninlə göyü bölüşdürmüşdük,
yarısı sənin çiynində idi, yarısı mənim.
İndi yüküm iki dəfə çoxdur.
Sən sükut olanda, mən səs olurdum,
indi sükut da mən olmalıyam.

Sevgilərini danışardın mənə, sarışın, qaraşın qızları,
yuxusuz gecələri danışardın,
yuxusuz gecələrdə danışardın.
Mən sənin sirrini məbəd kimi qoruyardım,
susardım.
İndi sən susursan,
danışım da...

***

Sevinmək yadımdan çıxır deyəsən...
Sinəmin üstünə qərənfil taxıb,
Dostun uyuduğu bir qəbrə baxıb,
adam anlayır ki, puçdu bu dünya...

Mən indi tövbədən qaçan günaham,
Mən indi oyunu dərdə uduzmuş,
Şahmat taxtasında tək qalan şaham...

Sevda cənnətdəki bir güldür mənə,
Məhəbbət əzabı çəkirəm indi.
Cəhənnəm əzabı yüngüldür mənə,
Mən cənnət əzabı çəkirəm indi.

Sevinmək yadımdan çıxır deyəsən...

***

Zərdüşt, yuxuma gəl, siqaret çəkək,
Adamın adama yazığı gələr...
Mələyin adama yazığı gələr...

***
Divarı dənizdən, daşı küləkdən
bir ev tikdim - məhəbbət.
Başdan-başa ayrılıq,
dərdxana, sevdaxana.

Keçdim, əziz qardaşım,
"bütün adamlar yaxşıdır"dan,
"bəziləri yaxşıdır"a keçdim.
Boş ver getsin,
biz çox yağışlar görmüşük,
ildırımlarda yandırmışıq siqaretimizi...

***
Zərdüşt, sıxır məni, sıxır bu şəhər,
küçələri sıxır, yolları sıxır.
Kitab istəmirsən, zəng eləmirsən,
məni yoxluğunun qolları sıxır.

news-inner-user
Qismət

182 məqalə

Oxşar xəbərlər

Xəbər lenti

Mahatma Qandinin aforizmləri
21:02 03 İyul 2020
Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020