writer1

Sərdar Amin

Məqalə sayı

118
clock11:01 calendar-gray 14 May 2020 view-gray7539 dəfə oxunub
view-gray7539 dəfə oxunub

Kamil Zeynallı təhlükəsi

Kamil Zeynallı idmançıdır, fitnes ustasıdır, ilk dəfə onu şou-biznes nümayəndələrindən tutub ekrana gəldiyini xatırlayıram.

Daha sonra Kamil müxtəlif hərəkətləri, addımları ilə özünü gündəmə sürükləməyə çalışdı. Şou-biznes adamı olmasa da, demək olar ki, bütün davranışları, gündəmə gəlmə variantları şou adamına aid hərəkətlər oldu.

Kamil Zeynallı kimi adamlar hansı hallarda qəhrəmana çevrilir?

Virus təhlükəsindən əvvəl, durğunluq dövründə Kamil Zeynallı İnstaqram hesabında gündə bir hoqqa çıxarırdı, lakin insanları haqqında xoş danışdırmaq ona nadir hallarda nəsib olurdu.
İnstaqram hesabında öz izləyiciləri onun haqqında nalayiq sözlər yazırdı.

Kamil Zeynallının qəhrəmana çevrilməsi çox ağrılı dönəmə düşdü; karantin, hamı evində, iş yox... İnsanlar son 30 ildə belə təhlükə ilə üz-üzə qalmamışdı... Aclıq gözümüzün qarşısında böyük hərflərlə boy verirdi.

Belə dönəmdə meydana çıxan Kamil Zeynallı insanların sentimental nöqtəsini yaxalamış oldu. Ehtiyac içində boğulan insanları tapması, yardıma ehtiyacı olan real adamların yanında olması, Kamil Zeynallıya təkcə savab deyil, həm də qəhrəmanlıq qazandırdı.

Yaranmış situasiya elə həssas məqamdır ki, bu barədə danışmaq, yazmaq olduqca ehtiyat tələb edir. Kamil ehtiyacı olan insanların yanında elə anda oldu ki, öz yardım tədbirlərini çəkib paylaşması da birmənalı yozulmadı; bəziləri onun bu hərəkətini situasiyadan istifadə edib xal qazanmaq kimi qiymətləndirsə də, prosesin reklam edilməsinin başqalarına nümunə olacağını düşünənlər də az olmadı.

Lakin sərt reallıq bundan ibarətdir ki, ölkədə karantin dönəmində sosial təminat taraz tənzimlənsəydi, Kamil Zeynallının yardımlarına və digər fərdi təşəbbüslərə ehtiyac qalmayacaqdı.

Kamil Zeynallının qəhrəmanlıq meydançası qanunların icrasındakı boşluqlardır. Qaydalar yenidən köklənsə, boşluqlar aradan qalxsa, Kamil də öz fitnes klubuna qayıdacaq.

Onun vətəndaşlara göstərdiyi yardım aidiyyatı instansiyalar tərəfindən edilsəydi, vətəndaşlar daha şux yaşayardı. Çünki belə situasiyalarda dövlətin yardımı vətəndaşı boynubükük etmir. Fərdi şəxslərin yardımı isə insanları istər-istəməz ələbaxan, gözükölgəli edir.

Belə vaxtlarda yadıma dostlardan birinə verilən sual və onun cavabı düşür;

- Avropada niyə lotuluq sistemi işləmir.
- Avropada hamı lotudu, çünki qanun işləyir.

Qanun bütün ucqarlarda bərqərar olanda bütün inkişaf saf təməl üzərində gedir. Cəmiyyətdə saxta qəhrəmanlar peyda olmur. Bütün məşhurlar ətəyində namaz qılınası adamlar olur, hansı ki, onların məşhurluğu da cəmiyyətə müsbət nümunə olur.

Yardım edən fərdlərin təşəbbüsü gözəl olsa da, savaba yazılsa da, insanların belə səbəblərlə qəhrəmana çevrilməsi, məşhurluq qazanması təhlükəli tendensiyadır. Çünki normal şəraitdə bir insanın sağlam məşhurluq qazanması üçün onun təkcə qeyri-adi hərəkət etməsi yetərli olmur, o, həm intellektual, savadlı, həm də çalışqan olmalıdır.

Yalnız bu keyfiyyətləri özündə cəmləyən şəxs qazandığı məşhurluq fonunda çaşmır. Həmin keyfiyyətləri batinində cəmləyən insanların məşhurluq haqqıdır. Eyni zamanda, belə insanların məşhurluğu şəfalı meyvə kimidir, özüylə paralel bütün cəmiyyət də bu məşhurluğun bəhərindən dada bilir.

Keyfiyyətli adamların məşhurluğundan heç kəs yanlış yerə istifadə edə bilmir. O, cəngavər adına hakim olan kimi məşhurluğuna hakimdir. Nə kənardan, nə daxildən kimsə ondan fərdi mənafeyinə görə istifadə edə bilməz.

Təsadüflər və boşluqlar sayəsində məşhurluq qazanan adamlar isə həmişə partlamamış mina olaraq qalır. Sabah onlar məşhurluqlarından istifadə edib, istənilən məntiqsizliyi trendə çevirə bilər, cəmiyyət onun bu hərəkətinə dur deyə bilməz.

Təsadüfən qəhrəmana çevrilən şəxsləri qanunlarla idarə etmək çox çətindir, çünki bəzən onlar qanunlara belə məhəl qoymurlar, o da qala yazılmamış qanunlara!

REKLAM

Yazarın digər yazıları

Xəbər lenti

Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021
Eldar Quliyev Fəxri Xiyabanda dəfn olunmayacaq
11:34 16 Aprel 2021