Tanınmış rejissor dünyasını dəyişdi

Tanınmış türk rejissoru Özer Kızıltan vəfat edib.

Kulis.az Türkiyə mediasına istinadən xəbər verir ki, uzun müddət xərçəng xəstəliyindən əziyyət çəkən 57 yaşlı rejissor dünən axşam saatlarında dünyasını dəyişib.

1963-cü il aprelin 17-də İstanbulda doğulan Özer Kızıltan, 1994-cü ildə İstanbul Universiteti Hüquq Fakültəsini bitirib.

Sonrakı həyatını film sektoru ilə bağlayan mərhum rejissor "Takva", "Beni Unutma", "Aşkın 5 Hali", "Mahrumlar" kimi bədii filmləri, "Gülbeyaz", "Kurşun Yarası", "Yaralı Yürek", "Hayat Yokuşu" seriallarını ekranlaşdırıb.