news-inner
clock11:08 calendar-gray 27 Yanvar 2020 view-gray4091 dəfə oxunub
view-gray4091 dəfə oxunub

Qalımmmı, gedimmi? Sual budur, bu… - Anara şeir həsr etdilər

Kulis.az İldırım Ulusoyun “Müqəddəs Yаnuаr” drаmındаn Müqəddəs Yаnuаrın qurultаy öncəsi monoloqunu təqdim edir.

Müqəddəs Yanuar
(kabinetdə ağır-ağır var-gəl etdikdən sonra yorğun halda kreslosuna yayxanaraq qəlyanından dərin qullab vurur).

Qalımmmı, gedimmi? Sual budur, bu…
AYO*-nun dəhşətli məsxərəsinə;
Mağmın katiblərtək dözümmü görən,
Yoxsa üsyan edim bir ərizə ilə?
Ya istefa verim, ya sədr qalım?
İstefa! Hər şeyi tamam itirmək.
Bu sədr postunun min bir dadından,
Min bir ləzzətindən məhrummu olmaq?
Çəkilib Xəzərin sahilndəki
Möhtəşəm bağımda sərin guşəyə
Xəyallara dalmaq, hey mürgüləmək,
Bir kəsin yadına düşməmək daha...
Adi, təqaüdçü bir qoca kimi
Tutub nəvələrin totuq əlindən
Bayraq meydanında onlarla gəzmək…
Hər yoldan ötənin, abıvatelin
“Bu keçmiş sədrdir…” atmacasını
Vuraraq biveccə qulaqardına,
Qoşulub Bulvarda “pensonerlərə”
Başmaq seyrinəmi çıxmaq orada?
Bəlkə qapılaraq nostalgiyaya
Avtobioqrafik bir roman yapmaq?
Bir ərizə yazıb istefa vermək...
Düşmən tənəsinin, məsxərəsinin
“Ağır zəncirini qırıb qurtarmaq,
O gözəl, son məqsəd bu deyilmidir?”
İtirib bu ali hakimiyyəti
İstefasonrası, postsədr dövrü
Yataq dustağına çevirilərək
İnfarktmı, insultmu qazanmaq sonda?
Bax budur müəmma, bax budur cavab.
Yoxsa katiblərin boş vüqarını,
Birlik üzvlərnin cahilliyini,
Qapımda sürünən hər bir yaltağın,
Hər bir riyakarın, “hər bir rəzilin
Gözünün yalançı parıltısını”
Vurub birdəfəlik yox etmək üçün
Bir qələm, bir vаrаq kifayət ikən;
Kölgəmi durmadan hey qamçılayan
Cılız düşmənlərin namərdliyinə,
Dəyərsiz, talantsız qrafomanların
Tikanlı, zəhərli tənələrinə,
Acılı-şirinli sədr postunun
Siqləti altında sürüklənməyə
Məntək düz otuz il kim dözərdi, kim?
Ah, bütün bunları fikirləşdikcə
“…Solur bir gül kimi qətiyyətimiz.
Ağıl düşünməkdən dayanıb qalır.
Həyata keçməsi mümkün görünən
Ən böyük xəyallar, böyük arzular
Cəsarətsizlikdən həlak olur, ah!”
Yetər, şişdi başım! Nə vurnuxuram?
Sual «qаlım-gedim», cavabı bəlli.
Gələcək ədəbi nəsillər belə
Qoy məni hələ çox xаtırlаsınlаr,
Sən ey hər mənada son qurultayım…”

*Azad Yazarlar Ocağı

news-inner-user

16034 məqalə

Oxşar xəbərlər

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020