writer1

Oğuz Ayvaz

Məqalə sayı

210
clock12:39 calendar-gray 07 Oktyabr 2019 view-gray3865 dəfə oxunub
view-gray3865 dəfə oxunub

Bakıya gələn qeyri-adi turisti istismar edənlər

Bakıya bir turist gəlib. Amma bu turist siz bildiyiniz turistlərdən deyil. Turist deyirəm, siz isə “insan” oxuyun. Doğrudan, onu görənlər təəccübünü gizlədə bilməyiblər.

İnsana bənzəmir o turist. Üzündə insanlığa qarşı inqilab edib. Daha doğrusu, öz təbii görünüşünə etiraz. Post insan dediyimiz bu olsa gərək...

Adı Rolf Buchholz olan bu qeyri-adi insan şəhərimizin küçələrində gəzir, adamların marağına səbəb olur. İnanmaq mümkün olmasa da, bu zəhmətkeşin 60 yaşı var.

Dodağında 94, bədənində isə 453 pirsinq var... Vauu... Bədənində ən çox deşik olan adam kimi məşhurdur. Hətta Ginnesin rekordlar kitabında düşməyi də bacarıb.

Başında buynuzu da var Rolfun. Ən çox da şəhərimizdə bu buynuzlar diqqəti çəkib. Çox güman uşaqlar görüb qorxublar.

Rolfun buynuzu hər yerdə ona problem yaradıb. İnsanlar onun buynuzlarına baxanda kənar gəziblər, bəziləri hətta qorxduqlarını gizlədə bilməyiblər. Müsahibələrinin birində deyir ki, Dubaya gedəndə onu ölkəyə buraxmayıblar, geri öz ölkəsi Almaniyaya göndəriblər.

Bir sözlə, dostumuzun buynuzu var buynuzu!

Image result for Rolf Buchholz Bakıda

Sosial şəbəkələrdə fotoları yayılan Rolfun məşhurluğu artıq ölkəmizə də yayılıb. Gəzdiyi Bakı küçələrində öz izini qoyub, hamı onu tutub saxlayır, şəkil çəkdirir. Rolf isə şəkillərdə gülümsəyirmi, kədərlidirmi, bilinmir. Onun üz cizgilərini ayırd etmək olmur.

İnsanlarımız onun qəribə üzündən qorxur, lağ-lağı edir, şəbədələr qoşurlar. Bəlkə də analar uşaqlarını yatızdırmaq üçün xortdan yerinə Rolfun fotosunu göstərir. Bu da yeni dünyanın qorxu metodu...

Mənə də ilk baxışdan qəribə gəlmişdi bu adam. Sonra düşündüm. Düşündüm ki, Rolf insanın anatomiyasına, fizionomiyasına üsyan edir, özünün yeni insan modelini yaradır.

Rolfun Bakıya gəlməyindən istifadə edənlər də var. Təəssüf ki, “Əli və Nino” kitab şəbəkəsi alman turistdən marketinq vasitəsilə, özü də irqçi bir münasibətlə istifadə edib. Edib ki, qoy camaat kitab alsın. Ancaq onlar “Hər cür alıcımıza şadıq” başlığı altında paylaşdığı foto ilə anlaşılmaz bir münasibət göstərib. Necə yəni hər cür? Özü də bu “hər cür” mənə nəsə ikibaşlı gəldi. Rolfun simasına lağ etmək vardı burda...

İnsanları görünüşlərinə görə lağ etmək olmaz.

Elə bil fiziki məhdudiyyətlidir Rolf.

Lap fiziki məhdudiyyətli olsa belə...

Onu bu cür təqdim etmək yaraşmaz...

Axı insan xaricinə görə yox, daxilinə görə insandır.

Geyim kimi fiziki qüsur da, fərqlilik də insanın öz rəngidir.

O rəngə isə qara yaxmaq qəti olmaz!

Kitab mağazası gərək bunu etməsin. İnsanlara mənəviyyat, oxumaq, üfüqlərini genişləndirmək kimi dəyərləri aşılayan kitab mağazası niyə bunu etsin ki? Bəlkə təklif edək ki, satdığınız kitablardan oxuyasınız? Hər şey pul və maddiyyat deyil. Önəmli olan insani yanaşmadır.

Rolf bunu sübut etdi: demək ki, səmimi deyilsiniz. Deməli siz gərçək kitab təbliğatı aparmırsınız. Ayıb olsun!

REKLAM

Yazarın digər yazıları

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021