writer1

Aliyə

Məqalə sayı

997
clock14:22 calendar-gray 22 İyul 2019 view-gray980 dəfə oxunub
view-gray980 dəfə oxunub

İntihar edən dostuma: Əlvida, Humay

Dostlar, tanışlar, əzizlər sarımsaqçəpər kimi bizi əhatə edir, gedən kimi üstümüzə uçuracaqlar xatirələri. Nə qədər çoxsa xatirələr, o qədər yaralanırıq sən demə...

- Humay, güzgün var? Deyəsən yaxsı deyil saçım...

- Müəllim, olar ikimiz iki dəqiqəlik çıxaq?

- İcazə niyə aldın ki?

- Demədin çıxaq, özümü pis hiss edirəm?

- Humay, qələm ver də...

Birdən əlində soyuqluğu ilə səni üşəndirən dəyirmi güzgü parlayırdı.

Bu fikri uzaqlarda olan, böyük ehtimalla hələ çox vaxtsəni düz başa düşməyəcək tələbə yoldaşın nə zaman dosta çevrilirdi?

Görürdün, ən dərdli vaxtında səninlə yanaşı addımlayır. Hardan bildi halını? Nə zaman qərarlaşdınız birgə dolaşmağa? Sirri-xuda!

Problemlisən, evdəsən, sizə gəlib soyuducunu açıb, özü nəsə tapıb bişirib - səni də çağırır. Belə, insan halından anlayan bir dosta sahibsənmiş. Amma sən onu onun qədər rahat anlaya bilmirsən:

- Qulaq as, zəng etsələr, səninləyəm. Yaxşı?

- Yox e, Humay...

- Sən narahat olma, yaxşı uşaqlardır hamısı. Qızların birin sən tanıyırsan... Vallah desəm, gəzməyə gedirik evdən icazə verməyəcəklər...

Aman, aman...

İncəsənətin ev qızları baxacaqdı kənardan. Evdən çıxıb dərsə, dərsdən birbaş evə getməli olan qız gündəlik proqramdan çıxır. Proqram da nə olsa, yaxşıdı? Yerişinə duruşuna diqqət etmək ki, daha sonra diplom alıb yaxşı oğlana ərə getmək.

- Humay, fikir verirsən, adam qəsdən məni iqnor edir?

- Fikir vermə. Gəl biz də iqnor edək. Məndə az pul var. Çay içək, nəsə yeyək. O da iqnor eləsin. Pirojna ilə çay içmək iqnordan yaxsı deyil, səncə?...

Hay daaa...

- Əli, qız olsa adını Humay qoyaq? Atan da o vaxt istəyirdi. Humay azadlıq deməkdi, huma da insan...

- Kimin adıdı ki, Humay?

- Gəray bəyin qızıdı kinoda. Bir də qrup yoldaşım vardı- Humay...

Azadlığı, insanlığı özündə qovuşduran bir dostun varmış. Heç dostluq etmirsizmiş...

- Bu günkü dərsimiz mövləvi dərvişlərindən olacaq. Əvvəlcə deyin. Sizdən kim dilənər? Yəni dilənməyi özünə əskiklik bilməz?

Humay gülümsəyir:

- Mən dilənərəm! Hər şey ola bilər də, müəllim. Çətin olar, pulu olan insanlardan kömək istəyərsən. Nə var ki burda?

- Bilirdim bunu sən deyəcəksən.

Arxa sıranın qlamurları pıqqıldaşmaqlamüəllimin şərhini düşünə bildikləri qədərkimi yozurlar. Amma belə şeylər Humayı narahat edə bilməz...

Bəzən fikirlərini qrammatik əlaqələri qurmağa çatdırmadan söyləyirdin.

- Sən canın, Humayın dediklərini tərcümə elə...

Gülürdük. İnciyirdin. Amma tez keçirdi. Ən tez barışan adam idin bəlkə tanıdığım.

Gerçək budur; sənin dilin də, dinin də başqa idi. Sən bizdən anlasan da biz səndən anlamırdıq. Səndən, yəni, insanlıqdan, azadlıqdan, sevgidən, həyatdan anlamırdıq...

Birdən açdıq ki, 9 yaşlı qızınla foton var saytlarda. İntihar etmisən. Niyə? Həyat, deyə bütöv bir cavab var ikən, bəs etməyəcək. Yenə də anlamayacaqlar. Nə çıxılmazlıqlar yaşamısan, nə amansız imiş həyat. Amma sən həyatı necə sevirdin...

Kaş ki, səni xilas edərdilər. Kaş ki, həyat üzünə gülərdi. Kaş ki, o bircə qızını özün böyüdərdin, özün kimi böyüdərdin. Kaş ki, özündə olan qədər anlayış və sevgiylə rastlaşardın...

Amma boşunadı indi bu kaş kilər...

Bir daha adamın gözünün içinə belə uzaq-uzaq, yaxın-yaxın baxan dostumuz, dost olduğumuzdan belə xəbərsiz olduğumuz biri olacaqmı?

Sualı gördünmü? Biz yenə özünü düşünən eqoistlərik. Bizə insan etibar etmək olmaz. Tanrı yazsın bunu bir yerə.

Əlvida, Humay can!

REKLAM

Yazarın digər yazıları

Xəbər lenti

Musiqili Teatrda "Fransızsayağı qarnir" olacaq - Fotolar
18:56 18 Yanvar 2020
Xalq artistinin xatirəsi anılacaq
17:44 18 Yanvar 2020
İyirmi ikinci mənzildə - Varisdən hekayə
16:58 18 Yanvar 2020
"Silahdaşlar" sənədli filmi təqdim olundu
15:15 18 Yanvar 2020
Gənc şairin poeziya gecəsi keçirildi - Fotolar
14:05 18 Yanvar 2020
Türkiyəli yazıçı vəfat etdi
13:47 18 Yanvar 2020
Tanınmış dramaturq vəfat etdi
13:15 18 Yanvar 2020
Bu məşhurlar qaraçı nəslindəndir - Siyahı - Fotolar
12:44 18 Yanvar 2020
"Məni bir qadın qucub, mələklər gəzsin barı..." - Pərviz Cəbrayıldan şeirlər
11:03 18 Yanvar 2020
"Mübariz" operası təqdim olundu - Fotolar
10:28 18 Yanvar 2020
Cahandar ağa Allahyarın arvadı Mələyi qaçırmaqda haqlı idi? - Sevda Sultanova yazır...
09:03 18 Yanvar 2020
Gənc yazar: “Aqşin Yeniseyin romanı alınmayıb” – Video-söhbət
21:00 17 Yanvar 2020
100 yaşlı şair AYB-də yubleyinə qatıldı
19:27 17 Yanvar 2020
Yaşamaq istəyən xəstəyə yalan satan həkim - Hekayə
18:58 17 Yanvar 2020
Rövşən Yerfinin yeni kitabı təqdim olunacaq
18:31 17 Yanvar 2020
Amma Anar bilməsin... – Gənc şairdən parodiyalar
18:03 17 Yanvar 2020
Prezident məşhur rejissoru “Şərəf” ordeni ilə təltif etdi
17:37 17 Yanvar 2020
Musiqili Teatrda "İstintaq" olacaq
16:57 17 Yanvar 2020
Bakıda böyüklər üçün ustad dərsləri keçirildi
16:20 17 Yanvar 2020
Qremminin ilk qadın prezidenti işdən çıxarıldı
15:39 17 Yanvar 2020