writer1

Səhər Əhməd

Məqalə sayı

196
clock11:37 calendar-gray 08 İyun 2019 view-gray974 dəfə oxunub
view-gray974 dəfə oxunub

Əmioğluya nişanlanan qızın dayıoğluya qaçmasının səbəbləri

Səhər Əhməd

Son iki günümüzün gündəmlərindən biri də əmisi oğluna nişanlı olan qızın dayısı oğluna qoşulub qaçmasıdı. Hazırda söhbətin özəti sosial şəbəkələrdə belə fırlanmaqdadır:

“Əmisi oğluna nişanlandı, bibisioğluna qaçdı, bəs xalaoğlu?”

Özünəironiya bəzi məqamlarda müalicə xarakterlidir və məsələnin həllinə kömək edə bilər. Amma elə məsələlər də var ki, öz eyiblərinlə məzələnmək yumşaq şəkildə desək, mazoxistlik, daha qəddar ifadə etsək, arsızlıq hesab edilir. Bəli, elə eyiblərimiz var ki, onları hətta özümüz öz aramızda lağa qoysaq belə, ayıbdı. Çünki günahkar biz özümüzük, hamımız olmasaq da, əksəriyyətimizdi. Qohum uşaqlarını bir-birinə qardaş-bacı kimi tanıtmağa gücümüz çatmadığı üçün, balalarımıza başqa seçim qoymadığımız üçün.

İki il əvvəl bu mövzuda “ Dayıoğluyla bibiqızının söhbətinə pis baxanlar” adlı belə bir yazı yazmışdım:

“Bu yaxınlarda olmuş əhvalatdır; şəhərdən getmiş iki yeniyetmə -14 yaşlı dayıoğlu və bibiqızı kənddə bulaq başında oturub deyib –gülürmüşlər. Səbəbi anlamasalar da, hiss edirlər ki, yanlarından keçən yerlilər onlara qəribə, sanki bir qədər qəzəblə baxır. Bir azdan qonaq qaldıqları evin qadını utana-utana uşaqlara yaxınlaşıb bəyan edir ki, kəndin içində belə deyib-gülmək olmaz, camaat pis baxar.

Uşaqlar o qədər təəccüblənmiş, elə bir travma almışdılar ki, ən çox da qız onsuz da iri olan gözlərini bir az da bərəldib əl-qolunu ölçə-ölçə “nə üçün axı?”, “niyə axı?” tipli iri çaplı suallarla məni elə atəşə tutmuşdu ki, onu cavab atəşi ilə susdurmaq heç cür mümkün deyildi. Mən bu uşağa anlada bilməzdim ki, 45 ildi arasında yaşadığım bu adamların məntiqi heç mənə də aydın deyil.

Bu camaat üçün bu iki uşaq, iki yeniyetmə, iki yaşıd, iki dost, iki qohum, sirdaş, belə lap dərinə gedəndə iki insan ola bilməzdi və sadəcə qohumcasına, dostcasına, yaşıdcasına, uşaqcasına, insancasına və nəhayət, azad və xoşbəxtcəsinə deyib-gülə bilməzdi. Bu camaat üçün onlar yeniyetməlik yaşına çatmış iki əks cinsdən başqa heç kim deyildi.

Ruslar xalaoğlu, əmioğlu, bibioğluya “dvaynoy brat” deyir, bizsə ən yaxşı halda onların kəbinini göydə kəsilmiş hesab edib evləndirir, sevgisizliyə, bir-birinə nifrət etməyə, xəstə uşaq dünyaya gətirməyə, travmalı övladlar yetişdirməyə vadar edirik”.

Bəli, düyün nöqtəsi bax burdadı, bütün hallarda səbəblər nəticədən daha günahkardı, bu məntiqlə isə biz balalarımızdan daha suçluyuq. Bir qızın (çox güman ki, məcburən nişanlandığı) adaxlısını sevməyib başqasına qaçması o qədər də anormal deyil, burda anormal görünən əmioğludan qaçıb biboğluna sığınmaqdı. Niyə? Çünki o qıza öz qohumlarını potensial həyat yoldaşı kimi aşılayıblar, çünki o qıza özünə həyat yoldaşı seçmək üçün başqa alternativlər yoxdu, necə deyərlər, həyata çıxışı bağlıdır. Odur ki, ironiya edəndə, söz oynadanda bir az ehtiyatlı olaq. O qız təkcə günahkar deyil, həm də qurbandı, özü də bizim öz qurbanımız...

REKLAM

Yazarın digər yazıları

Xəbər lenti

Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021
Üzeyir Hacıbəyli, Natəvan və Bülbülün “güllələnmiş heykəllər”i Şuşaya qaytarıldı
12:01 15 Yanvar 2021
Ermitaj saxtakarlıqda ittiham olunur
11:35 15 Yanvar 2021
Gündüz dayı necə məşhurlaşdı?
11:03 15 Yanvar 2021
Şərif Ağayarın “Kurtlar vadisi”ni xatırladan romanı – Tənqid
10:30 15 Yanvar 2021
“Yeralaş”ın bədii rəhbəri koronavirusdan vəfat edib
09:52 15 Yanvar 2021
Ərinin xəyanətini yuxuda görən Qumru – Sevdanın hekayəsi
09:00 15 Yanvar 2021
Hitlerin kitabının elmi buraxılışı hazırlandı
19:11 14 Yanvar 2021