news-inner
clock09:00 calendar-gray 12 İyun 2019 view-gray373 dəfə oxunub
view-gray373 dəfə oxunub

Carəsiz qulunuzun sızıltılarını qəbul edin - Hürrəm Sultanın sevgi məktubu

Türkiyə mətbuatında Osmanlı sultanlarının Türkiyə Prezident Aparatı Dövlət Arxivində qorunan sənədlərindən Sultan Süleyman Qanuninin və vəzir İbrahim Paşanın bəzi məktubları çap olunub.

Kulis.az bir neçəsi Sultan Süleyman Qanunidən Hürrəmə, bir neçəsi İbrahim Paşadan Xədicə sultana yazılmış həmin məktublardan bəzi parçaları təqdim edir.

1526-cı il tarixli məktubda Hürrəm sultan Süleyman Qanuniyə yazır:

“Sultanım, Padişahım, məhəbbət bağçasını xatırladan gözəl üzünüzün çiçəkləriylə bəzənmiş dualarımı və gözünüzün coşqu verən şərabıyla dolub-daşan təriflərimi, səhərlər həsrət köşəsində ah çəkənlər və ayrılıq diyarında gecələri inləyənlərlə birlikdə səadət ulduzum olan sultanımın hüzuruna ithaf edirəm”.

Daha sonra davam edir:

“Mən allahın yaratdığı kainatda itib-batmış biri idim. Ömrümün baharını sizin ləl-cəvahirat qutunuzdakı bir inci olaraq himayəniz altında yaşadım. Həsrət acısı ilə qıvrılan və çəkdiyi iztirablar üzündən pərişan olan bu çarəsiz qulunuzdan bu dəyərsiz sızıltıları qəbul edin. Mən yalnız sizin yanınızda hüzur tapa bilirəm. Sizin yanınızda duyduğum xoşbəxtliyi yazmağa qələmin gücü yetməz. Heç olmasa sizinlə yaşadığımız, sizinlə ortaq xatirələrimiz sayəsində az da olsa təsəlli tapıram. Əsən küləklər çəkdiyim əzabları sizə yetirsə, görərsiniz ki, qulunuzun vəziyyəti fəğan edən bülbül kimidir...”

Məktubda Hürrəm Sultan Qanuniyə libas göndərdiyini qeyd edir.

“...yaxşı bilirəm ki, mənim sultanım bu qulunu taleyin bir cilvəsi kimi gördü və sevdi, bu quluna xoşbəxtlik və hüzur ehsan etdi. Cariyəsinin göz yaşlarını saxladı. Sultanım sayəsində doğru yola iman etdim. Ona görə xoşbəxt olacağım gün sizə qovuşacağım gündür. Sizə göz yaşlarım daman libasımı göndərirəm. Xətrim üçün geyinin”.

Məktub “Fəqir və həqir cariyəniz Hürrəm” imzasıyla bitir.

Bundan başqa daha bir qəribə mətn İbrahim Paşanın 1535-ci ildə səfərdə ikən Xədicə sultana yazdığı məktubdur.

Məktub “Qadınların ən möhtəşəminə. Allah şanını davam etdirsin və məsumiyyətini artırsın” sözləri ilə başlayır. Sevgi və həsrət ifadəsi ilə davam edir.

Xədicə sultanın Validə sultanın yasına getməsi haqda xəbərinə isə məktubda belə bir cavab vardır:

“Əgər yas məclisinə qatılmasanız çox üzülərdim. Allah sizdən razı olsun. Bu borcu bizim yerimizə də yerinə yetirdiniz. Saray adamları ilə təmasda olmağınız təqdirə layiqdir. Uca sultanımızın ailəsinə zərər gəlməsini əsla istəməzsiniz. Onların dərdinə ortaq olmağınız sizin də borcunuzdur. Bu mövzuda anlayışlı davranmağınız uyğundur, əlbəttə. Fəqət ziyafət və əyləncələrə getməyinizə ehtiyac yoxdur. Biz burada səfər zəhmətində ikən, sizin də davranışlarınızla bu zəhməti paylaşdığınızı bilmək bizə cəsarət verir. Sizin mənim icazəmdən kənar hərəkət etməyəcəyinizdən əminəm. İnşallah dualarınızla sağ-salamat evə də dönərəm. Məktublarınız gecikdirilmədən mənə çatır. Ümid edirəm, mənim məktublarım da sizə həmən yetişər. Oğlumuz Mehmet şahın gözlərindən öpürəm. Sonsuz salamımı qəbul edin. Sizi çox özlədiyimi unutmayın. Həsrətlə dolu aşiqiniz İbrahim”

Məktubdan göründüyü kimi İbrahim Xədicə sultana eşq və həsrətdən başqa gözləntilərinin də olduğunu çatdırır.

news-inner-user

12078 məqalə

Paylaş

Oxşar xəbərlər

Xəbər lenti

“İtalyan baharı” kinofestivalı keçiriləcək
17:01 20 İyul 2019
Bryus Li niyə lənətləndi?
16:20 20 İyul 2019
Pyer Rişar Yessentuki kinofestivalının fəxri qonağı olacaq
15:22 20 İyul 2019
Beynəlxalq Animasiya Festivalının münsiflər heyəti məlum olub
14:30 20 İyul 2019
Sumqayıt Dövlət Dram Teatrı 50-ci mövsümünü başa vurub
13:46 20 İyul 2019
"Tərlan Əbilov 90-cı illərin şairidir" - Orxan Saffari yazır
12:25 20 İyul 2019
Xalq yazıçısı Elçin təqdim edir: Yuxu ölümü kimi gerçəklik var havada
11:40 20 İyul 2019
Tanınmış gürcü yazıçısı Afaq Məsudun romanından yazdı
10:00 20 İyul 2019
İsrail əsgərinə vurulan livanlı qız, tabut daşıyan iraqlı... - Əsl Kino
08:58 20 İyul 2019
Cəfər əmimin yolları - Şərif Ağayarın hekayəsi
21:00 19 İyul 2019
Bred Pitin yeni filminin treyleri yayımlandı - Video
18:30 19 İyul 2019
Puşkinin can verdiyi divan... – Şairin Ev-muzeyindən Reportaj
17:57 19 İyul 2019
Sosial şəbəkələr depressiyaya səbəb olurmuş
17:11 19 İyul 2019
Kamal Abdulla medalla təltif edilib
16:37 19 İyul 2019
Sən gecələr yat, ay Qurban... - Məhəmməd Tanhudan Yeni Şeirlər
15:31 19 İyul 2019
Çexovun həyatı film olacaq
14:33 19 İyul 2019
Tərcüməçi-yazıçı Məmməd Məmmədlinin kitabı çap olunub.
14:01 19 İyul 2019
Yalçın Rzazadə Türkiyədə əməliyyat olunub
13:21 19 İyul 2019
Kəramət lağ elədiyi aşıqlardan da mənasızdır
12:37 19 İyul 2019
Azərbaycan filmləri Sarayevo festivalında
12:01 19 İyul 2019