news-inner
clock14:30 calendar-gray 07 Mart 2019 view-gray1588 dəfə oxunub
view-gray1588 dəfə oxunub

Bədənin yeni bədənlərə alışırmı?... - Cəlil Cavanşirdən Yeni Şeirlər

Kulis.az Cəlil Cavanşirin yeni şeirlərini təqdim edir.

Kirlənmiş sevgilər, saf ayrılıqlar…

indi sən,

əllərini harda gizlədirsən ki,

üşüməsin,

indi sən

bu ayrılığın harasında darıxırsan,

ki öpüşlərim yadına düşməsin?

ah talesiz sevgilim mənim,

yəni keçmiş sevgilim,

hələ də sevdiyim…

gülüşlərin heç dəyişmədi,

saçların hələ də iyirmi beş yaşında,

heç solmadı gözlərin,

yorulmadın, yaralanmadın, ağrımadın.

getdin, heç arxana baxmadın.

yeni bir oyuna başladın, üzün gülsün

yeni bir sevdaya tutuldun, böyüsün,

yeni həyatın olsun, yeni sevgilin olsun

yeni yalanlar öyrənsin dilin

ah talesiz sevgilim mənim…

indi sən

bakirəliyini itirmiş bədənini harada gizlədəcəksən ki,

ağrı çəkməsin?

indi sən

yaralanmış ruhunu necə qoruyacaqsan ki,

daha da çirklənməsin?

ah unudulmuş sevdam mənim

saçlarını dağıdırmı bakı küləyi?

yenə də hər ay eyni ağrılarla qıvrılırmı bədənin?

gerçəkdən, nə idi dərdin?

üç yüz min əlli altıncı dəfə soruşuram:

– niyə getdin?

üzdün sevdiyim, çox üzdün.

üzün…

üzün yenə də hüzn dilində yalan danışırmı?

bədənin yeni bədənlərə alışırmı?

baxışlarındakı ağrını gizlədirmi kosmetikan?

indi hansı sabahlara oyanırsan?

indi kimə “günaydın” yazırsan?

indi sən

yeni sevdanın yeni aylarında yenilmiş adamsan

indi neçənci sevgilinə dəlicəsinə bağlanmısan?

indi sən,

mənim unutduğum yerlərdə donursan,

bir içki xumarında keçmiş xatirələrə dalırsan

indi sən,

bəlkə də yeni sevgilinə məni danışırsan

məni parça-parça yad bədəndə unudursan…

ah yorğun sevdaların qorxaq yolçusu

lütfən, yeni sevgilin çox sevsin səni

sən çox sevilincə xoşbəxt oyanırsan yuxudan,

ümidli qalxırsan yataqdan

sən sevilincə ərköyün, dəcəl olursan.

Hazırki əsas şəkil

nə olar yeni sevgilin pis adam olmasın,

yəni səni getməyə qoymasın

darıxsın sənin üçün, çox darıxsın, lütfən darıxsın

yollarına baxsın, küçələrdə qarşına çıxsın, sonra daha çox darıxsın

yəni çox sevsin səni, çox sevsin və sonra yenə çox sevsin

“canım” desin, “qızım” desin, “əzizim” desin…

bir də çox sevsin…

məndən daha çox sevsin…

indi sən

hansı qapının kandarında çıxarırsan ayaqqabılarını?

indi hansı divana uçur çantan?

hansı balkonda ananla danışırsan?

indi sən

hansı yataqda axşamın düşdüyünə üzülürsən?

indi sən

ən səfeh şeylərə kiminlə gülürsən?

ah ürkək baxışlım, ruhu yaralanmış qadınım

bir diz tap başını qoymağa,

bir əl tap yapışmağa,

bir adam tap yalanlar danışmağa

bir çiyin tap sığınmağa…

heç kəsin bilmədiyi gizli yerlərdə kirlən,

təkliyinin içində gizlən

yanındakı başqa bədənlər isitdikcə səni

paklığın solduqca, məsumluğun çəkildikcə üzündən

öyrən, fərqli bədənlərlə ovunmağı,

fərqli dodaqlarla öpülməyi öyrən…

indi sən,

günün ən soyuq saatlarında dizlərini qucaqla,

bir xatirə tap yaddaşının küncündən,

varaqla…

indi sən,

durmadan, dayanmadan, yorulmadan səni düşündüyümü bilirsən,

indi sən,

yaşının sevmək və unutmaq çağındasan,

indi sən eşqin uzun sürmədiyinə inanırsan,

indi sən

aldanırsan…

və mən bütün mövsümlərdə unudulmuş, atılmış ruhumla

bütün gecələri ağlamaqla ovuduram özümü

itib günlərimin düzümü…

və mən bütün gecələri səni düşünürəm

ağrıyan və ağlayan gözlərimlə

yavaş-yavaş qızınıram sənli xatirələrlə,

əllərinçün darıxıram

indi daha çox özümlə danışıram, özümlə…

indi sən

bütün sevgilərin uzağındasan…

yəni yoxsan…

yəni, olmayacaqsan…

Küləklərin arxasınca

rəsmlər...

susqun və kədərli

diz çökdüm daşa, torpağa

qəlbim gözlə dedikcə,

ümidləndim,

bəlkə – dedim,

- bəlkə dönəcək və heç getməyəcək...

amma gecikdim

kölgəsi qalıbmış sevdaların

saralmış rəsmlərdə.

getmədi deyirəm bəzən,

o heç getmədi məndən.

bu təsəlli yetərmi ovunmama?

bu şeirlər və yazılar yetərmi,

yetərmi dərdimi anlatmağa?

gözlərim çuxura düşdü gözləməkdən,

gülüşlərini və şirin səsini topladım çantama

bir sırtıq gülüş çilikləndi qulaqlarımda:

“ağlama!”

səni xatırladan hüznlü rəsmlərin arasında

soxuldum tənhalıqdan yaranan izdihama,

baxdım dağ çaylarının axışına,

gözlərimi dikdim uzaqlara

artıq gücüm qalmayıb qanayan yaralarımı sarmağa

sənə bir məktub yazmağa gücüm qalmayıb.

orada,

uzaqlarda,

çox uzaqlarda tanrının əllərindən tutan qadınlar,

şeytana gülüməsəyən uşaqlar

soruşacaqlar tanrıdan

“tanrım, niyə qıydın ona”

şeytan güləcək onlara...

tanrı susqundur,

sənin qədər susqun və qəzəbli...

sənin sevdalı xəyalın,

nədən hələ otağımdadır bilmirəm..

nədən hələ burdasan?

götür xəyalını, qoxunu, rəsmlərini çıx get,

get lütfən,

get

küləklərin arxasınca...

Oxşar xəbərlər

Xəbər lenti

Döyüşçü oğlunu ağladan səbəb - Hekayə
16:17 26 Noyabr 2020
“Qarabağ”ın Qarabağ qələbəsi – Ulucay yazır...
15:34 26 Noyabr 2020
İstedadı ilə hamını heyrətləndirən, iki dəqiqəyə qızların sevimlisinə çevrilən, gənc yaşında “yüksək doza”dan ölən azərbaycanlı şair – Maraqlı faktlar
14:53 26 Noyabr 2020
"Can Azərbaycan" adlı müsabiqə elan olundu
14:10 26 Noyabr 2020
Qəriblik - Əli Şirindən şeir-esse
13:32 26 Noyabr 2020
Xalq artistindən sürpriz Şuşa açıqlaması
12:53 26 Noyabr 2020
Cavanşir Quliyev: "Bakıda lazım olduğuma əmin deyiləm" - Müsahibə
12:11 26 Noyabr 2020
Əməkdar artist vəfat etdi
11:39 26 Noyabr 2020
Aqşindən Seymur Baycana reaksiya: "Onu oxumuram"
11:09 26 Noyabr 2020
Xəlil Rza Ulutürkün bacısı dünyasını dəyişdi
10:17 26 Noyabr 2020
Maradonanın ən böyük peşmanlığı - Ayxan Ayvaz yazır...
10:00 26 Noyabr 2020
Bombardmandan Azərbaycan bayrağını çıxaran gəncəli Xəyyam: “Gördüm, qızımın başından qan axır”
09:00 26 Noyabr 2020
İşğaldan azad olunan 700 yaşlı abidəmiz
18:52 25 Noyabr 2020
“Can Qarabağ” deyən uşaqlar
18:10 25 Noyabr 2020
Erməniyə zorla ərə verilən qızın Xocalıdan qaçış planı - Yeni hekayə
17:29 25 Noyabr 2020
Azərbaycanlı yazarın pyesi Batumidə tamaşaya qoyulacaq
16:49 25 Noyabr 2020
Azərbaycanlı yazıçı dünyasını dəyişdi
16:04 25 Noyabr 2020
"Yetim qızsan, qıvrıl, yat!" - Seymur Baycandan Aqşin Yeniseyə sərt tənqid
15:20 25 Noyabr 2020
Kəlbəcərli şair Sücaətin qardaşı: “Onun baş daşına ölüm tarixi yazılmayıb” – Müsahibə
14:40 25 Noyabr 2020
Məşhur aktrisa vəfat etdi
13:57 25 Noyabr 2020