news-inner
clock11:31 calendar-gray 20 İyul 2018 view-gray517 dəfə oxunub
view-gray517 dəfə oxunub

Sözlə əməl arasında – Səhər Əhməd yazır...

Kulis.az Səhər Əhmədin silsilə esselərindən daha birini təqdim edir: “Sözlə əməl arasında”

Nitşse deyir: “Xeyirxah kimdir? Xeyirxah hünərli olandır”. (Bu fikri yaddaşınızda əlçatan bir yerə qoyun, bir azdan mənə lazım olacaq).

Bəs hünərli olan kimdir, yəni bununçün konkret nə tələb olunur, bax məsələ budur, ən azından mənim sizə demək istədiyim məsələ.

Keçən dəfəki yazıda hisslərin sözlə ifadəsindən danışmışdıq, bu gün daha sonrakı prosesə keçəcəyik, sözlərin əmələ çevrilməsinə.

Duyğular sözlə ifadə olunmaq istədiyi kimi, sözlərin də əməllə isbata ehtiyacı var və hətta bu ehtiyac birincidən daha çox və daha vacibdir, ruhun var olmaq üçün materiyaya ehtiyacı olduğu kimi...

Bu cəhətdən insanların üç təsnifatı mövcuddur:

1) Sözü ilə əməli bir olanlar - bu, axtardığımız “qızıl orta”dır.

2) Sözləri əməldə təsdiqini tapmayanlar - bunlara el arasında “dil pəhləvanları” deyilir. Əlamətləri müxtəlif ola bilər, səbəbləri fərdə görə dəyişir - tənbəllik, eqoistlik və ya sadəcə yalançılıq.

3) Hisslərini birbaşa əməliylə sübut edənlər - bunlar bir az qapalı, lakin alicənab adamlardı.

Ən doğru variant birinci olduğu üçün bizim müzakirə konumuz deyil, onu kənara qoyub vaxt itirmədən o biri iki tipi müqayisəyə keçək. Yəni yalnız sözdə var olanlarla, yalnız əməldə var olanlara.

Məncə, bu müqayisədə ümumi sözlərdən çox, dəqiq nümunəyə ehtiyac var, odur ki, ən yaxşı əyani vəsait kimi “Alyazmalım” filmini götürək. Orda həmin iki tip (İlyas və Cəmşid) arasında qalan Asyanın seçimini və sözlərini xatırlayın: “Sevgi nəydi? Sevgi dostluqdu, iyilikdi. Sevgi əməkdi”.

Təkcə sevgi yox, bütün insanı münasibətlər əmək istər. Dostluq da, yoldaşlıq da, qardaşlıq da. Yüz şirin söz məqamında edilmiş bir jest qarşısında sabun köpüyüdür. Bütün münasibətlərdə ən çox sevən tərəf ən çox fədakarlıq edəndir. Təkcə nəzəriyyəni bilmək heç nəyi həll eləmir, ən yaxşı nəzəriyyələr həyat laboratoriyasında sınaqdan keçənlərdi.

Qayğıkeşlik, fədakarlıq da səxavət kimidi, xərclədikcə artar, unutmayın. Onları tərəddüdsüz, hətta, mən deyərdim, israfçılıqla xərcləyin.

“Yaxşılıq et, balığı dəryaya at, balıq bilməsə də, xaliq biləcək” məsəlində olduğu kimi. Bəlkə ömür boyu heç bir balıq bilməyəcək, xaliq də sənə yuxarıdan baxıb “əhsən” deyən deyil, amma nə olsun, yaxşılığın ən yaxşı tərəfi ondan məhz öz müəllifinin zövq almasıdır.

Hətta həyatla özünüz arasındakı münasibətdə də vuruşmaq (əmək) tələb olunur. Siz təki yorulmayın, ruhdan düşməyin, həyat bir gün təslim olub, döydüyünüz qapıları açacaq. Lap tutaq ki, açmayacaq, amma siz yenə də vuruşun, bir gün qalib gəlməyin xəyalı belə gözəl.

Və sonda yenə də Nitşenin bayaq xatırlatdığım fikrini qoyduğunuz yerdən götürüb mənə qaytarmağınızı istəyirəm. Fikrimcə, burda o servantın ən uyğun rəfinə qoyulmuş büllur qab kimi daha gözəl parıldayacaq: “Xeyirxah kimdir? Xeyirxah hünərli olandır”.

Oxşar xəbərlər

Xəbər lenti

Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Xalça şərqisi – Rafiq Tağının hekayəsi
15:41 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020