writer1

Sevda Sultanova

Məqalə sayı

860
clock10:50 calendar-gray 13 Dekabr 2017 view-gray420 dəfə oxunub
view-gray420 dəfə oxunub

Afaq Aslanın çılpaq fotolarındakı qüsur

Sevda Sultanova

Bir neçə gün əvvəl, müğənniliyi haqda heç bir təsəvvürüm olmayan Afaq Aslanın Lent.az -da yayımlanan çılpaq fotolarına rastladım.

Belə anladım ki, xanım vaxtaşırı açıq-saçıq foto-sessiyalarla gündəmə gəlirmiş.

O, “Bu fotolar çox kişinin nəfəsini kəsəcək” sözləri ilə, cisminin çılpaqlığı ilə çağırış eləyir, meydan oxuyur.

Fikir vermişəm, axır illərdə aktrisalar, aparıcılar, müğənnilər açıq foto-sessiyalara həvəsləniblər. Hətta sosial şəbəkələrdə incəsənətlə bağlılığı olmayan xanımlar yarımçılpaq fotolarını həvəslə yayımlayır.

Yəni söhbət konkret Afaq Aslandan getmir. Və problem kiminsə bədənini çılpaq şəkildə publikaya təqdim etməsində də deyil.

Məsələn, mən tabloya köçürülmüş çılpaq qadın rəsmlərini də, fotoları da sevirəm. Hətta Qustav Klimt dirilib gəlsəydi, məmnuniyyətlə özüm çılpaq naturaçı olardım...

Məsələ təqdim olunan çılpaqlığın nəsə bir məzmun kəsb etməsinin əhəmiyyətindədir.

Afaq Aslana və digərlərinə elə gəlir ki, əgər sən çılpaq və ya yarımçılpaq obyektiv qarşısına keçirsənsə, mütənasib vücudunla poza verirsənsə, bununla öz seksuallığını nümayişə çıxarırsan.

Görünən budur ki, bizdə seksuallıq haqda yanlış, lokal təsəvvürlər mövcuddur.

Seksuallıq hamam dəsmalına bürünüb, çılpaq döşləri qucaqlamaq və ya çarpayıda qurbağa tərzi ilə oturmaq deyil.

Seksuallıq geniş anlayışdır, böyük mədəniyyətdir, o, bir davranış sistemidir.

Təsadüfi deyil ki, bu anlayış özündə təkcə fizioloji yox, eyni zamanda psixoloji, sosial, mədəni, siyasi, dini aspektləri cəmləşdirir. Müxtəlif seksual mədəniyyətlər mövcuddur. Və bu haqda dünyada onlarla kitab yazılıb.

Bizim toplumda seksual mədəniyyət, onun müxtəlif tərəflərdən analizi isə böyük araşdırma mövzusudur. Bu, başqa və çox daha ciddi mövzudur.

Foto sənəti çərçivəsində isə təbii ki, seksuallıq anlayışının sərhədləri kiçilir.

Seksuallıq təkcə bədənin açıqda qalan hissələrinin nümayişi deyil, daha çox sənin həmin andakı emosiyalarının, ruhunun, həyəcanının bədən vasitəsilə ötürülməsidir, gözlərinin ifadəsinin vücudunun vəziyyətinə uyğun dil tapmasıdır.

Bədənin plastikasında istəyini, şəhvətini, ehtirasını, ağrını, xiffətini, başqa bir bədənə susadığını və s. duyğuları ifadə etmək bacarığıdır. Üstəlik, xırda, amma vacib nüanslar müəllif tərəfindən hiss edilərək uyğun rakurslarda lentə köçürülməlidir. Bu halda bədən özünün fizioloji mahiyyətindən kənara çıxaraq başqa mənalarla yüklənir.

Afaq Aslanın foto-sessiyasında isə rakurslar biçimsiz, sıradandır, primitiv və vulqardır. Baxışlar boş, ifadəsiz, üstəlik saxtadır, seçilən məkan statikdir, fotolarda zərrə qədər erotizm, qadın individuallığı, sözün böyük anlamında gözəllik, cazibə yoxdur.

Ona görə də belə səpgili fotolarda təqdim olunan bədən yalnız fiziki məna daşıyır. O, istehlaka təklif olunan ət parçasından başqa bir şey ola bilmir.

Bu mənada Afaq Aslan və onun kimi belə formatda fotolar çəkdirənlər əslində özləri-özlərinə, anlamadan, fərqinə varmadan təhqiramiz münasibət bəsləyirlər.

Bir qadının seksuallığını nümayiş etdirmək, kiməsə meydan oxuması, çağırış etməsi üçün illah da ki, çılpaqlığa ehtiyacı yoxdur. Bir hərəkət, jest, yeriş, baxış çılpaq bədəndən daha çox çağırış edə və effektli ola bilər.

REKLAM

Yazarın digər yazıları

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021