news-inner
clock18:14 calendar-gray 05 Dekabr 2017 view-gray868 dəfə oxunub
view-gray868 dəfə oxunub

Əyil ayaqlarından öpüm... – Şəhriyardan YENİ ŞEİR

Kulis.az tanınmış şair Şəhriyar del Geraninin yeni şeirini təqdim edir.

Gəl ondan başlayaq ki,
ondan başlayaq ki,
hər şey dəyişir
Təkamül - meymunun deyil,
insanın insana dönüşüdür bir az.
Fəlsəfəyə bağlama lütfən,
Mən səni hər gün bir az daha çox sevirəm.
Hər gün bir az daha həyəcanlı olur səni sevmək çünki.
Hər gün bir az daha əsir əllərim
bir az daha başqa olur hər şey bir az
bir az daha mərhəmətli oluram atılmış uşaqlara,
oyuncaqlara qarşı sanki.
İnsan - mərhəmətli ola bilirmiş demək...

Gəl ondan başlayaq ki,
ondan başlayaq ki, mən səninçün yaşaya bilirəm hər gün bir az
yəni
günəşin günəş,
yağışın yağış,
küləyin külək olduğunu görə bilirəm bir az,
romantikaya bağlama lütfən,
gəl ondan başlayaq ki,
mən səninçün hər gün bir az ölə bilirəm,
romantik tərəfi vardır əlbət bir az.
İnsan - romantik də ola bilirmiş demək...

Gəl ondan başlayaq ki,
ondan başlayaq ki,
Allah hər şeyi görür... və heç kəsi tərk etmir,
məsələn, ananla gedirsə,
yəni bir qadınla səni tərk edirsə,
başqasıyla dönür sənə yenidən doğulmağınçün.
Romantikaya bağlama lütfən,
İnsan - yenidən doğula bilirmiş demək...

Gəl ondan başlayaq ki,
Ondan başlayaq ki, “Sənsiz olmur” deyirsən və dodaqların titrəyir,
əllərindən öpürəm - dodaqların titrəyir
üzündən, gözündən, dizindən öpürəm - dodaqların titrəyir
şərab süzürəm, dişlərinə toqquşdururam - dodaqların titrəyir
“sənsiz olmur” deyirsən, “vallah olmur” deyirsən - dodaqların titrəyir,
Niyəsini bilmirsən,
Bilmirsən niyə titrəyir dodaqların?
Bir portağal niyə portağaldırsa, eləcə də “mənsiz olmur”,
sənsiz də olmur əlbət
bir heyva niyə heyvaysa.
Cəhalətə bağlama lütfən,
Sevmək - “alma”nın kimə çatacağını bilməməkdi bəzən
bir az nadanlıqdır həm də,
bütə qayıdışdır bir az,
Hər nəysə,
Gəl ondan başlayaq ki,
ondan başlayaq ki,
Əyil ayaqlarından öpüm...

Oxşar xəbərlər

Xəbər lenti

Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
“Səs Azərbaycan” başlayır: Münsiflər kim olacaq? - Foto
14:15 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021
Bakıda simfonik musiqi axşamı keçirilib
19:01 23 Sentyabr 2021
Rejissorumuzun filmi Batumidə nümayiş olunub
18:21 23 Sentyabr 2021
Kəramət Böyükçöl: "İstedadımla taksavatlıq edirəm" - Video
17:36 23 Sentyabr 2021
Falçı yetişdirən məktəblərimiz – Aqşin Yenisey yazır...
16:50 23 Sentyabr 2021
Saitlər əsasdır, yoxsa samitlər?
16:14 23 Sentyabr 2021
Yazıçı Səfər Alışarlı: “Azərbaycan sərvət aşiqlərinin ölkəsidir” - Müsahibə
15:33 23 Sentyabr 2021
Məşhur yazıçının əsərindən film çəkildi
14:46 23 Sentyabr 2021
Səyyad Əlizadə sağalır
14:03 23 Sentyabr 2021