news-inner
clock16:46 calendar-gray 30 Avqust 2017 view-gray269 dəfə oxunub
view-gray269 dəfə oxunub

Avraam Linkolnun məşhur məktubu - MƏTN

Avraam Linkoln dünyanın ən məşhur şəxsiyyətlərindəndir. ABŞ-da quldarlığın ləğvi onun xidmətidir və sorğulara inansaq, Linkoln Amerika xalqının ən sevimli prezidentidir. Buna baxmayaraq, hakimiyyəti dövründə ən sərt tənqid olunan və ABŞ-ın ilk qətlə yetirilən prezident də odur. Avraam Linkolnun 4 oğlu olub, onlardan 3-ü yetkinlik yaşına çatmamış yatalaq və vərəmdən ölüb. Yalnız böyük oğlu Robert 82 il yaşayıb, hüquq və siyasətdə böyük karyera qurub. Avraam Linkoln 1855-ci ildə məşhur “Oğlumun müəlliminə məktub”u yazıb. Çox güman ki, məktub ən sevimli oğlu beş yaşlı Uilyamın müəlliminə yazılıbmış. Məlumat üçün deyək ki, Uilyam 11 yaşında ölüb. Məktubda tədris prosesində gerçəkdən vacib olan, amma unutduğumuz məsələlər haqda danışılır.

Kulis.az məktubu oxuculara təqdim edir.

“...Başa düşürəm ki, o, nə vaxtsa insanların heç də hamısının ədalətli və səmimi olmadığını bilməli olacaq. Amma qoy bilsin ki, bununla belə, hər alçaqda bir qəhrəman, hər eqoist siyasətçidə bir sadiq lider gizlənir.

Qoy bilsin ki, düşmən varsa, dost da tapılacaq. Ona başa salın ki, qazandığın bir dollar tapdığın beş dollardan daha dəyərlidir. Ona uduzmağı da, qələbədən həzz almağı da öyrədin.

Onu paxıllığa getməyə qoymayın, hündür səslə gülməməyi öyrədin. Qoy o bilsin ki, davakar və lovğa adam üzərində qələbə qazanmaq hər şeydən asandır. Bacarsanız, ona kitablarla maraqlanmağı öyrədin...

Ona əbədi sirlər haqda düşünmək üçün asudə vaxt verin: göydəki quşlar, günəş şüasında uçan arılar və yaşıl yamaclardakı çiçəklər haqda düşünsün.

Məktəbə gedəndə ona başa salın ki, uğursuzluğa tab gətirmək fırıldaqlıq etməkdən daha şərəflidir. Ona öz ideyalarına güvənməyi öyrədin. Hətta kimsə ona alınmayacağını desə də, o öz ideyalarına güvənsin.

Ona yumşaq adamlarla yumşaq, qəddar adamlarla qəddar davranmağı öyrədin.

Oğluma qalib tərəfin dalınca qaçan kütləyə qoşulmamağı öyrədin.

Ona hər kəsi dinləməyi öyrədin, ona eşitdiklərini həqiqət prizmasından keçirməyi və yalnız yaxşı olanları götürməyi öyrədin.

Bacarsanız, ona kədərli olanda da gülməyi öyrədin... Göz yaşlarında ayıb heç nə yoxdur, qoy bunu bilsin.

Ona siniklərə gülməyi, aşırı şöhrət azarından qaçmağı öyrədin.

Ona öz beyninin və əzələlərinin gücünü daha yuxarı qiymətə satmağı, lakin qəlb və ruhla heç bir halda alver etməməsini öyrədin.

Qoy qovğa edən kütləyə qulaq asmasın, əgər özünü haqlı sayırsa qalxıb döyüşməyi öyrədin.

Onunla incə rəftar edin, lakin həddini aşmayın, çünki yalnız odla sınağa çəkilmək polada yüksək keyfiyyət verir. Qoy cəsur olsun ki, hər şeyə dözməli olmasın. Qoyun dözümlülük öyrənsin ki, cəsur olsun.

Qoy özünə inamı yüksək olsun, belə də o, bəşəriyyətə də inamlı olacaq.

Bunlar asan məsələlər deyil, amma baxın nə edə bilərsiz... Mənim oğlum elə yaxşıdır ki...”

news-inner-user
Aliyə

997 məqalə

Oxşar xəbərlər

Xəbər lenti

Haqverdiyevlə bağlı film hazırlanır
18:30 03 İyul 2020
Ondan qorxurduq – Bacısı qızı Kafkadan yazır...
17:47 03 İyul 2020
Mehriban Vəzirdən yeni kitab
16:58 03 İyul 2020
Koronavirusa həsr olunan film çəkilir
16:13 03 İyul 2020
"Sehrbaz qadın" onlayn nümayiş olunacaq
15:21 03 İyul 2020
Xarici İşlər Nazirliyi nota göndərməlidir - Kino adamları od püskürdü
14:30 03 İyul 2020
Uşaqlar üçün tamaşa
13:57 03 İyul 2020
Anar yeni ssenarisini çəkməyə vəsait tapmır
13:15 03 İyul 2020
Hoşcakal, İrfan bey! – Ayxan Ayvaz yazır...
12:33 03 İyul 2020
Dünya ilə oynayan iki qadın - Mehman Qaraxanoğlu yazır...
12:07 03 İyul 2020
Qəmli-qəmli sevişmək – Oğuz Ayvaz yazır...
11:41 03 İyul 2020
Türkiyənin Azərbaycandakı keçmiş müşaviri vəfat edib
11:16 03 İyul 2020
Günün şeiri Küçük İsgəndərdən - Mətn
10:58 03 İyul 2020
Orxan Pamuk qızına çap qadağası qoydu
10:26 03 İyul 2020
İstəyirdim kimsə məni itələyib küçənin ortasına yıxsın - Bircənin romanı
09:00 03 İyul 2020
Azərbaycanlı fotoqraflar beynəlxalq fotomüsabiqədə 4 qızıl medal qazandılar
18:41 02 İyul 2020
Eşşək obrazına görə ərini tərk edən qadın – Əyyub Qiyasdan yeni hekayə
18:04 02 İyul 2020
Kosmosun qoxusu necədir? - NASA-dan 2 il əvvəl bunu düşünən azərbaycanlı
17:23 02 İyul 2020
Səməd Vurğunun şeirlər kitabı Türkiyədə nəşr olundu
16:41 02 İyul 2020
“Durna balığı” onlayn göstəriləcək
15:48 02 İyul 2020